夏麵館 (新都城中心二期)

營業中

休息中

好耐冇一家人出去食晚飯，今次近近哋係屋企附近商場食，去咗夏麵館食上海菜！之前都有同朋友嚟食過，味道好，價值又合理，性價比幾高！🌟蟹籽蝦球賽螃蟹👉🏻蝦球新鮮彈牙，加埋蟹籽脆卜卜嘅口感，連同滑溜嘅蛋白，送飯一流！🌟特式五柳魚 👉🏻其實平時唔係好鍾意食魚，怕太腥，但係！！估唔到特式五柳魚係咁好食，好似炸過嚟，表面香脆，入面嘅魚肉仲好滑，醬汁係酸酸甜甜，仲有大量菠蘿同椰果，越食越開胃xd🌟鮮肉小籠包👉🏻見到小籠包都會忍唔住叫，新鮮熱辣咬開真係好多肉汁，而且啖啖肉，超正🌟火腿津白👉🏻依家出去食飯一定會叫一樣蔬菜，火腿津白夠晒味，鹹中帶甜，既有火腿的嘅風味又保留咗津白嘅清甜，成碟清晒xd🌟酒釀丸子 👉🏻去親中菜館見到有酒釀丸子一定會叫，熱嘅酒釀丸子真係好好味！帶有桂花嘅清香，小丸子煙煙韌韌，作為飯後甜品一流～