順酸辣粉

營業中

休息中

今日叫咗外賣食，依間野選擇好多 除咗平時可以揀餸嘅米線同埋好多種唔同嘅湯底之外，仲有飯同菜飯可以選擇，選擇夠晒多元化👍🏻👍🏻嗌左幾次我都覺得豬扒菜飯（$45)比較吸引🤩豬扒有炸過，外面炸皮唔太厚，亦都唔會太粉，值得讚賞。另外豬扒份量超級多而且豬扒厚身，食落啖啖肉，好正😋另外叫主食會配送一個小食，係店舖自己整嘅辣味配菜，配菜種類成日會轉，種類都算多。小菜多數有兩三款菜，例如青瓜、土豆絲、螺旋藻、豆卜、木耳等等。但我覺得最好食都係醃青瓜👍🏻，青瓜爽脆而且夠辣。以呢個價錢來講真係一啲都唔算貴，如果叫凍飲都係加$4-6，真係好抵，已無限encore😆😆