影片
以上資料只供參考, 請與餐廳確認詳情
屯門紅橋呢度出名多嘢食，喺附近返工同時都成日嗌外賣，成日幫襯嘅其中一間呢就一定係順酸辣粉啦👍（我哋嗌佢順記😊）今次就黎試下堂食既味道先。 唔好以為佢叫酸辣粉就淨係得粉麵食喎，佢仲有鹵水飯、菜飯（同事成日叫豬扒菜飯）、手工水餃等等，而且佢啲小食都幾出色架😋今次就揀左💁招牌酸辣(細)薯粉拼豬腸同腩肉，自選小食拼盤（豆腐卜+海茸+土豆絲）🐷招牌酸辣(細)薯粉拼豬腸同腩肉：今次食小辣，辣度岩哂我，又唔會辣到不停飲野戒辣😂（因為食過佢既口水雞同手撕雞真係好辣，不過又會令人念念不忘😆）細薯粉軟硬適中，唔係咬極都唔斷嗰種，而且質地好滑，想影張相都夾左幾次。配料仲有炸醬酸花生菜豆芽韭菜蔥花芫茜。而豬腸處理得好乾淨，仲非常入味，又夠淋。腩肉有少少厚度，肥瘦分明，幾有咬口。小食拼盤（豆腐卜+海茸+土豆絲）：辣度冇得揀，係預先調配好既。豆腐好入味，索曬啲汁。土豆絲就好爽口，食完一啖又一啖。而海茸其實係一款營養好豐富既藻類，平時比較少見，加埋少少麻辣味，好開胃。一碟既份量其實唔少，配埋白飯都可以當一餐😂🤑性價比：8/10🤤色香味：7/10🐖邪惡度：7/10🤗推薦度：8/10
繼續閱讀
幾鍾意個沙爹湯米線，湯底味道都非常明顯，米線吸收濃郁的湯汁，甜甜地，幾好飲！😆加上肥牛配菜同順滑米線，份量十足～七味粉豬頸肉質地鮮嫩，七味粉的調味恰到好處，亦幾鬆脆，豐富左成餐嘅口感！配米線一流😆好似仲係鋪頭比較多人配搭嘅選擇！值得推介，因為仲有唔同款同口味嘅豬頸肉任君選擇🤞🏻同埋個人幾鍾意啲涼菜～蓮藕食落幾脆口，涼拌雞爪都好軟嫩，易入口同清清淡淡，唔會太重口味，幾唔錯嘅開胃菜🤞🏻😌加上一開始以為咁多會食唔曬，但覺得啲嘢食都真幾開胃，我咁細食都清曬咁滯💦🤣🤣
繼續閱讀
如果你問我，屯門紅橋有咩好食，順酸辣粉一定係其中之一手拍青瓜青瓜好新鮮，砌得平均兼且大小適中，落咗微微的醋，非常醒胃，食慾大增手撕雞手撕得好均勻，入口既保持肉質，又容易咬，芫荽芝麻加上好少量嘅油，入口絕不肥膩口水肥牛菜飯當然要食辣，刺激鼻水淚水，肥牛煮得剛剛好，一啲都唔靭，菜飯加肥牛，原來是很匹配的，有點意外我叫了香滑無比的凍雪咖啡，真的太辣時喝一啖，舒服哂雙葱太陽蛋雞扒菜飯朋友點了這個，雞扒蛋醬油伴飯當然好滋味，另上小碟除了綠色葱油，還有黑色小條，問老闆這是什麼，原來這是雙葱的另一個蔥-黑葱，是老闆自行烹調的，精髓也在這黑葱，香味濃，微微甜，伴飯是飯加上另一個質感，奇妙地配合起來，老闆的誠意十足！朋友點了特飲金桂椰香，說這個應該不寒凉，對脾胃有益那麼豐富的一餐，都只是$221，小店不停入客，就知道有幾好食，老闆的誠意和細心應記一功！
繼續閱讀
屯門近紅橋非常多美食，這天簡簡單單試吃了「順酸辣粉」，想不到滷水飯亦是招牌，同樣出色！我點了滷水飯，要了招牌三寶，選了滷水蛋、雞翼和肥牛！滷水醬汁烹煮的米飯，口感濃郁，非常入味。雞翼肉質鮮嫩，味道豐富。滷水蛋有濃厚的醬香味，蛋黃滑嫩，而肥牛則口感鮮嫩多汁。此外，我亦點了小食蒜香椒鹽豬頸肉。這道小吃香氣四溢，豬頸肉經過蒜香和椒鹽調味，外焦內嫩，令人食指大動。最後飲品我要了洛神花乳酸。洛神花的酸甜味道與乳酸的醇厚相結合，這樣的搭配讓人胃口大開！順酸辣粉 (屯門)地址：屯門青菱徑6號富麗大廈地下B號舖
繼續閱讀
順酸辣粉鹵水雞中翼拼手工水餃（白菜）酸辣米線米線份量十足，雞中翼煮得入味，餃子皮薄，配上新鮮白菜同豬肉碎，屬減肥之選。餐飲選取筆者之愛，凍檸茶。麻辣牛魔王米線牛魔王米線份量十足，配料選材上乘，有肥牛，牛柳粒，牛𦟌，五香牛肚，煮得入味，肉質嫩滑，口感豐富，湯底麻辣，十分開胃，暖身！餐飲選取金橘乳酸，酸甜口味，能中和麻辣湯底的油膩感。肉食愛好者點了兩個小食，手撕雞和蒜泥白肉，手撕雞口感嫩滑，配上特製醬汁，突顯雞肉的鮮味，白肉蒜蓉味香濃，淡淡豉油香點綴了腩肉的層次感。
繼續閱讀
您可能會有興趣的...