安平燒肉

營業中

休息中

依間位於荃灣嘅安平燒肉店都已經開咗業一段時間，餐廳嘅位置好寬敞，食物種類亦都好多，所以一直好受人歡迎。今次，我就叫咗呢一個M5和牛套餐，套餐提供唔少嘅肉類同埋小食。牛小排牛肉脂肪比例啱啱好，肉味非常香濃，牛肉嘅表面經過燒烤之後帶有陣陣嘅焦香味。牛舌芯呢一款係厚切嘅牛舌，肉質爽口彈牙，脂肪味道比較突出，燒過之後真係令人垂涎三尺。雞腿肉雞腿肉質彈牙，加上因為已經經過醃製，所以唔需要再額外加其他調味料。帆立貝帆立貝都幾大粒，入口唔會覺得腥，亦都唔會有沙。章魚卷呢個小食幾特別，章魚肉入口彈牙，煮得唔算太油膩。每款食物都幾有特色，加上餐廳所採用嘅食材都算幾高質，所以整體嘅味道都好好。