熊小館

營業中

休息中

位於九龍灣MegaBox近頂層，溜冰場旁邊的西餐廳，以熊仔作為主題，周圍都是熊仔公仔同裝飾，吸引唔少家庭小朋友，現場重有一個玩樂小區位置可以比小朋友可以玩，俾小朋友自得其樂，父母可以食飯時休息一陣。點了一款午市套餐，可以跟一碗羅宋湯餐湯，及一杯飲品，另外點了一款下午茶套餐。豬扒薯條香濃的煎豬扒配合特色醬汁，豬扒香濃滋味，肉質柔軟，而薯條屬於厚身薯條，入口相當有質感！焦糖肉桂法式西多士配雪糕球本身用焦糖肉桂焗出嚟嘅法式西多士，香甜可口的質感，外酥內軟嘅多士，喺出邊好少食到嘅味道，夾埋凍冰冰嘅雪糕，真係啱晒依家個天氣食！小熊飲品加錢點咗兩杯小熊飲品，一杯係朱古力雪糕配可樂汽水，另一杯係七喜配雲呢拿雪糕，兩杯都係以熊仔形狀嘅冰作為主題，非常好打卡，係餐廳大受歡迎嘅特飲之一。