黑龍

營業中

休息中

灣仔區想起食日本拉麵，呢間拉麵店會係我心水選擇。耐無食過又經過附近，又見唔使排隊等位嘅話， 都會走入去一趟食番碗。《黑龍豚骨拉麵》 《櫻海老沾麵》《雞皮餃子》《章魚燒》等都會係我較喜歡之選。 《黑龍豚骨拉麵》麵嘅硬度可隨自己嘅喜好選擇，通常我會點基本硬度， 麵條已有足夠咬勁。 至於個豚骨湯底師傅淆製得相當濃郁， 飲入口帶點漿口，味道又濃又甜。配合麵條一切食， 真係食到瀡瀡聲。《雞皮餃子》剛炸起嘅雞皮餃子，食時非常香口，包在裏面的饀料有肉汁唔會太乾。 而我更喜歡將餃子沾上湯麵嘅豚骨湯來食， 除無咁熱氣外， 雞皮吸入湯水後， 食起來會有另一味道。