加東叻沙蝦麵

營業中

休息中

因為老公說這裡的喇沙好食，又有我喜歡的蝦湯麵，於是來試試。點知，喇沙湯係幾好食，但這裡的蝦湯麵極難吃，從未食過咁難食的麵。服務亦很差，好似唔憂做咁。自問是一個鍾意食濃味食物的人，叫了一個正宗蝦湯麵，嗰湯底咸得好緊要，根本食唔落口。同侍應反映，話可否加些無咁咸的湯，他只冷淡地回應這裡只得兩款湯底，一是喇沙，一是蝦湯，然後就行開。跟住我老公幫我要了杯熱水，加了半杯水，仍然咸到死，食到這裡，我已經放棄，唸住剩係食餸，因為個油麵都唔好食。但可惜餸都唔好食，個啲肉鞋到死，明明話有蝦肉又唔見，只係有好多魚片，豆卜亦因為啲湯而唔好食。成 $6X 一碗麵，我食咗幾啖就擺咗係到，真係一次很差的經歷。