南丫公館

營業中

休息中

中午小菜set，地道風味嘅嘢食，友善嘅接待，食物質素超出預期！隨便經過，等船有個幾鐘，諗住搵間野坐低，見乾淨舒服，走左入去，睇到menu，其實唔平，諗住食少少野，冇所謂，之後叫啤酒，300蚊/人，嗰個兩人set，開始食，椒鹽鮮魷，黃金蝦，蒸龍躉扒，鹹魚炒芥蘭，梭羅魚濃湯，籠仔蒸飯！每樣都有D水準，最推介係個湯-超濃魚湯，最超出預期嘅係菜，炒芥蘭-本地有機種，甜的芥蘭，冇食過，最方便係隻蝦，連殼都唔使剝，連殼食，最傳統係個飯，漁民飯盒，佢哋話以前D漁民整完上船食，其他正常，龍躉無骨，椒鹽鮮魷冇特別！連埋+1兩個人埋單$800！第一次寫，啱睇就睇！