影片
更多
2024-04-08
326 瀏覽
超出預期嘅牛繁一人燒肉（屯門市廣場AEON店入邊）今晚終於食到呢間我等咗好耐嘅一人燒肉！點解叫一人燒肉呢？因為一個人都可以食到，佢有自修室咁樣格局嘅一人枱，亦都有面對面兩人可以一齊食嘅格局。一人份量嘅燒肉，可以按肉類嘅重量揀選唔同嘅價錢。加上$8.8 Blue Monday 系列，最平幾十蚊已經食到一個套餐，可以燒60分鐘！白飯可以揀大中細，中碗白飯已經夠飽。A10 大滿足 $122 （250 G)四重奏【蔥燒牛肉花•汁燒肩胛片•味增豬五花•柚子胡椒雞腿肉】呢個套餐比較抵食，因為有曬豬、牛、雞。呢度啲牛幾好食。鍾意佢用燒汁醃製嘅牛肉，有牛味。柚子胡椒雞有啲柚子香甜味，雞肉比較嫩口。豬五花好好食。A6 韓國風 $78 （100 G）豚肉套餐（豬頸肉、豬五花配生菜•泡菜•蒜片】呢個套餐食出韓國生菜包嘅感覺，我揀咗細分，之後再追加一啲燒肉。欣賞佢啲豬頸肉，豬五花脂肪比例正常，同埋肉質都鮮嫩可口。有種田園清新風味。燒肉追加！蔥鹽檸檬！橫膈膜肉 50G $48呢隻牛肉有檸檬汁，加海鹽嘅感覺，連埋啲蔥一齊燒好惹味。+ FRESH! 燒鮮甜菠蘿 2pcs $15燒烤咗嘅菠蘿保留水份，香甜好食！飲品
（屯門市廣場AEON店入邊）
今晚終於食到呢間我等咗好耐嘅一人燒肉！點解叫一人燒肉呢？因為一個人都可以食到，佢有自修室咁樣格局嘅一人枱，亦都有面對面兩人可以一齊食嘅格局。
一人份量嘅燒肉，可以按肉類嘅重量揀選唔同嘅價錢。加上$8.8 Blue Monday 系列，最平幾十蚊已經食到一個套餐，可以燒60分鐘！白飯可以揀大中細，中碗白飯已經夠飽。
A10 大滿足 $122 （250 G)
四重奏【蔥燒牛肉花•汁燒肩胛片•
味增豬五花•柚子胡椒雞腿肉】
呢個套餐比較抵食，因為有曬豬、牛、雞。呢度啲牛幾好食。鍾意佢用燒汁醃製嘅牛肉，有牛味。柚子胡椒雞有啲柚子香甜味，雞肉比較嫩口。豬五花好好食。
A6 韓國風 $78 （100 G）
豚肉套餐（豬頸肉、豬五花配生菜•泡菜•蒜片】
呢個套餐食出韓國生菜包嘅感覺，我揀咗細分，之後再追加一啲燒肉。欣賞佢啲豬頸肉，豬五花脂肪比例正常，同埋肉質都鮮嫩可口。有種田園清新風味。
燒肉追加！
蔥鹽檸檬！橫膈膜肉 50G $48
呢隻牛肉有檸檬汁，加海鹽嘅感覺，連埋啲蔥一齊燒好惹味。
+ FRESH! 燒鮮甜菠蘿 2pcs $15
燒烤咗嘅菠蘿保留水份，香甜好食！
飲品方面都幾多選擇！
＋ MEKO 蜜桃紅茶 430ml（支）+$16
+ C&C巨峰提子梳打 500ML（支）+$16
張貼
