上野鐵板燒專門店

營業中

休息中

女人街有多過一間鐵板燒專門店，好友之前帶我去另一間，食過都感到滿意，今次去同一條街的另一間品嚐。當晚有一枱國內大客佔據咗鐵板燒枱的大部份，我地唯有坐旁邊的四人枱，不過總覺得食鐵板燒如果唔坐鐵板燒枱缺乏欣賞師傅功架的機會。睇過餐牌叫套餐比較化算，鐵板大蝦套餐有老虎大蝦又有美國安格斯肉眼扒，單叫呢兩樣已經係套餐價錢，套餐仲有湯、沙律、刺身、魚扒、炒菜、炒烏冬同甜品。雙色刺身有北寄貝同白肉魚，兩款都表面略乾，不過喺鐵板燒專門店都唔會對刺身有太大期望。估唔到木魚絲都可以同蟹子沙律配搭，木魚絲帶有少少鹹味，加上沙律醬的酸甜可以釣味。活蜆雜菇麵豉湯有蜆肉的鮮甜味，麵豉湯唔會只得一味死鹹。鐵板配菜冬菇同翠玉瓜有少少鹽釣起蔬菜清爽鮮甜味。香草三文魚扒皮脆肉嫩，火喉剛好，避免三文魚容易煮過火問題。老虎大蝦頭部已分開處理好，輕易食到蝦膏，蝦身蝦味濃肉質爽甜彈牙，令人再三回味。美國安格斯肉眼扒牛味香濃肉質嫩滑，肉味充滿整個口腔，點上旁邊炸蒜就更加香口。日式炒時菜爽脆清甜，食完肉類後可以清清味蕾。牛肉炒烏冬中的烏冬比一般的幼身，更加煙韌彈牙，豉油可以再下多一點就更加冶味。甜品類似布甸少甜滑溜，為套餐的尾聲很合