韓舍 (已結業)

呢排天氣又涼返少少，所以同老婆屋企人一齊去打個邊邊先，之前去過韓舍食過都唔錯，它係旺角鬧市之中既創興廣場，我地之後上到店舖裡面的座位都夠多，我們坐下便先點了個鴛鴦鍋，豬骨和麻辣，湯底我就要講到佢個麻辣湯底真係好好食，好重麻辣味，落咩料落去都好好食，假如鍾意麻辣的朋友，呢個必選。豬骨湯底對比麻辣就會比較清D，咁岩我地有小朋友同老人家，這個都不錯。除了刺身係劃，其它飲品、甜品、雪糕、火鍋配料、熟食等都是出面任取，我地坐底了叫了湯底之後，就梗係行個圈睇下有咩唔同，飲品款式勁多，呢間店舖都算係多選擇。熱盤好似buffet咁，有人參雞湯、蟹皇蠔肉粥、泰式紅咖喱荔枝鴨，人參雞湯不錯，藥材味都好重，雞肉又嫩滑。刺身係張紙劃的，之後我地點左個幾款刺身，有象拔蚌、北寄貝、帶子、中拖羅，刺身非常新鮮，尤其估不到有中拖羅可以任劃任食。不錯不錯!!熟食冷盤有雲耳、青瓜、牛肚、豬腸等比我們自己可以夾。火鍋配料主打緊係要有肥牛、豬肉、羊肉啦，豬肉比我們想像中出色，滾出來常軟淋，不錯不錯。