九五至尊火鍋狗毛

營業中

休息中

之前有同事來食過，咁啱系附近行完街就來食飯。尼度有火鍋，有泰菜，仲有啤酒，好適合聚會。一入來就見到地方好闊，醬料台系中間位，好方便。鍋底點左鴛鴦鍋，豬肚雞拼中辣麻辣鴨血。鍋底上來速度好快，一撈起就見到好大個筒骨，真材實料👍手切本地牛好大份，鮮嫩的肉色，仲有乾冰系隔離噴煙營造氣氛。肉切得大塊，咁樣就唔容易散開。不加辣椒豉油之前就好新鮮，有牛味。再試試蘸佐辣椒豉油的，少少辣味更加激發肉的鮮味😋腐皮鮮蝦卷好有特色，外面是豆味濃郁的腐皮，中間加有生菜同蝦滑，煮完生菜都是脆口，蝦滑又彈牙，非常好味。桂花蚌很新鮮，份量幾大，咬落又脆肉又飽滿，鮮甜味好足。鵝腸是每次打邊爐必嗌，系個辣底煮一煮後，控制好時間唔好煮過籠，真是又脆又香，冇乜肥油的感覺。脆皖是海鮮愛好者必點，雖然好新鮮，但都要小心有好小的刺，不過都切斷曬，不是好影響口感。竹筍片切得較大塊，可以煮耐啲更入味。墨魚丸真是好有彈性，仲要超級大粒。小食點左唐揚魷魚咀，炸得酥酥脆脆，非常送酒。