Homeland (東昌街) (已結業)

今日同朋友黎大埔呢到食手工意粉，值得一試！我地叫左個二人餐，勁滿足！呢個63°C温泉蛋卡邦尼意粉既味道好夾，食落creamy得嚟又有蛋香味，最特別係手工意粉，相比一般意粉粗好多，驟眼望落似烏冬，但又係意粉既味道，幾特別。我地叫左個香城和牛漢堡配薯條，和牛整得唔錯，外層香脆之餘裏面亦充滿肉汁，加上薯條係啱啱炸起，熱辣辣，好正。呢個西蘭花湯煮得好好，creamy得嚟又keep到西蘭花本身既味道，好味之餘感覺上又好健康。秘製法式龍蝦濃湯真係好濃，飲落龍蝦味好重，而且仲有龍蝦肉，誠意十足，不過味道會偏鹹，比較適合重口味既朋友。香草蒜香焗田螺配薯蓉嘅田螺煮得幾嫰滑，而且肉質都保持到爽口，而薯蓉絕大部份都好嫰滑，有D薯仔粒。花茶雖然味道淡淡哋，但香氣十足，聞到已經覺得好舒服，食完嘢可以一路慢慢歎一路傾計。