金泰子泰國餐廳 (已結業)

朋友最愛泰國菜，我地兩個剛剛去完泰國旅行就黎食番個泰式午餐啦！公司附近有間泰國餐廳，價錢好抵食，環境又乾淨，同朋友開心食個午餐最合適啦！我叫左火車頭炒飯，炒飯粒粒咸香滋味，入口唔油膩，加上豐富餸菜，飽肚味道調味剛好！紅咖哩配豬肉飯，白飯和咖哩分開上碟，加上香濃咖哩香味，賣相幾好！咖哩辣度唔算好高，入口香濃椰汁味，豬肉夠薄切入口爽嫩爽滑！我地叫左兩個小食，皮蛋蝦餅最吸引，皮蛋咸香中間溏心度高，蝦餅即叫即炸完全唔會油膩，爽口彈牙加上軟軟的皮蛋，非常滿意！另外加點半飯海南雞，雞肉香嫩香滑，味道清甜新鮮，雞皮唔肥仲好香，醬汁最驚喜，帶出雞肉鮮甜！仲有龍眼冰夠哂滿足！