二八火鍋 (已結業)

同老公去佐敦開嘢，之前聽阿女話北海街有間二八火鍋，係深圳皇崗分店，開業已19年老字號，食物質素高，招呼又好，今日就同老公一齊去試吓！店內環境簡潔，座位都好寬落，餐廳本身係散叫，主打生猛海鮮，但今日見到門口寫住$228元任飲任食，真係好抵，當然！魚缸內的生猛海鮮係另計。湯底有不少選擇，我哋揀咗鴛鴦鍋，馬來沙爹湯底拚芫荽皮蛋湯底，沙爹湯底口感濃稠，味道鮮甜。芫荽皮蛋湯底好清香，湯內有不少皮蛋同豆腐。餐廳牛肉係採用新鮮本地牛肉。手切本地吊龍肉，吊龍清甜軟滑，為多款位置中肉味最濃的部位，油份亦重。安格斯牛小排係最精華的部位。見到咁靚嘅大理石油花紋就知脂肪分佈均勻， · 入口絕對軟嫩多汁，牛香味濃郁。安格斯封門柳係成隻牛肉味最濃巴既部位，成隻牛只有一條，脂肪不多但肉味濃，切成薄片的封門柳，口感細嫩。鹿兒島黑豚肉特色是肉質緊緻多汁、口感柔軟有彈性、滋味甘甜鮮美、脂肪清爽不黏膩。大魚頭好新鮮，味道鮮、甜、滑，沒有泥腥味。脆鯇片口感爽脆香滑 。鮮蝦滑鮮甜美味，口感扎實肉質Q彈。鮮蝦雲吞餡料全是新鮮爽口鮮蝦，大大粒好爽口，其他配料都好新鮮，如手工韮菜餃、鮮枝竹、芝士腸、日本豆腐。還有新鮮嘅蔬菜類。小食都