Route 83 (逸峯商場)

營業中

休息中

之前黎食午餐，今次黎食晚餐。晚餐餐牌都幾豐富，不同嘅肉類同意粉為主，我同老公一人都叫咗一個set，分別係芝士焗龍蝦意粉，同豬仔骨配薯條。我個芝士焗龍蝦意粉份量十足，嗰半隻開邊龍蝦成隻手掌咁大✋🏽要分俾老公先食得晒，用大量芝士去焗，焗到超香，係一個好聰明嘅煮法，無人拒絕到芝士🤤🤤🤤🧀而意粉又用番龍蝦汁加啲番茄去收下汁，平衡番芝士嘅油膩，唔錯😊老公個豬仔骨仲大份，用咗燒烤醬去烤甜甜地啖啖肉，肉又唔會韌，薯條又熱辣辣炸起👍🏻👍🏻👍🏻好彩個晚餐叫咗跟沙律，有啲菜食下先無咁罪惡感，不過都好滿足，好滿意成為我一家嘅飯堂啊，落街食多啲，我就可以繼續做無飯煮婦🤭🤭☺️