Route 83 (逸峯商場)

今日突然唔想煮飯叫左個外賣burger 好食喎！住得比較遠，但係返到去d 野食都仲係好好食！特別係個豬手 配搭嗰個薯蓉好正😆同埋個豬手好脆 做到我鍾意嗰種口感！不過略嫌份量有少少細 另外叫咗三個傳統burger 調味10分OK 肉質唔錯個包係牛油麵包 就算返到屋企都仲係好好食☺本身個burger收費都唔係貴 仲包埋薯條薯條份量都有好多，不過可能外賣有少少淋咗唔係好夠熱不過始終係外賣，所以會俾返少少分佢 相信堂食會更加好食一定會再返嚟幫襯另外店員服務態度好好希望可以保持水準～…查看更多

每次必叫德國豬手✨✨✨✨✨豬手皮超級脆，肉唔會話太過乾身。配菜有薯蓉、兩款唔同嘅酸菜，薯蓉好香牛油味，酸菜配埋個豬手食個油膩感即刻大大減低🤤龍蝦意大利飯個味好食過魚扒意大利飯，魚扒意大利飯個底似白汁，但係唔係好夠味。呢間都算區內數一數二嘅西餐廳，值得讚係佢哋嘅服務態度，當日去到要等位，我哋一行四人有一位係老人家👵🏼侍應姐姐好好俾張凳老人家坐，超級細心！…查看更多

間中有黎哩間食lunch本身啲扒都已經唔錯 肉質鮮 啲肉唔難咬今日食晚餐 豬手肉質都好易入口 唔會好“穌”食過好多餐廳啲豬手好易有臭味而且好難咬哩間真係岩岩好薯條都好香口唔會太硬…查看更多

國慶日天朗氣清, 帶同家人來午膳。十二點來到已經要等位, 原來lunch time 不設訂座, 向職員取了折椅給母親大人坐住等。今次最主要帶阿媽食她至愛炸豬手, 做得出色皮脆乾身不太油膩！咖啡是自家品牌不錯。職員態度友善, 當天氣溫較高只嫌窗邊冷氣不夠。…查看更多

之前有幫襯開大埔店，粉嶺店光猛，樓底又高，坐得好舒服。粉嶺店開咁耐，幫襯咗咁耐。我最鍾意食佢嘅安格斯肉眼扒、德國咸豬手。德國咸豬手非常正，外皮炸得好脆卜卜，肉質嫩滑，唔會太鹹，配埋滑溜溜嘅薯蓉，嬴唔少係市區嘅西餐廳。安格斯肉眼扒，俾貴啲都值，煎得靚，安格斯牛味亦夠香。另外意粉調味出色，唔同一般西餐廳，绝冇投訴。就算午餐嘅牛扒亦好食。價錢公道，食物質素好。飲品方面，咖啡唔錯，要加錢！而且又有靚啤酒賣！係港島、九龍嘅朋友，入粉嶺行一行龍躍頭文物徑，行完沿龍躍頭排坊步行7-8分鐘左右就到。好方便。另外粉嶺火車站有專線小巴停係餐廳所在商場門口。…查看更多

喺呢度食過幾次，之前食過佢嘅黑松露意粉，我嘅評語係呢個價位最好食嘅黑松露意粉！🤤-每次既服務態度好好今日去到要等位，去咗隔籬舖頭睇嘢，個侍應特登行出嚟拍我話有位，搞到我都唔好意思🙈-Set Lunch叫咗 紐西蘭頂級PS草飼肉眼牛扒配黑椒汁加薯條(仲配埋沙律或餐湯二選一、飲品)-首先嚟咗是日餐湯：甘筍忌廉湯🥣正常發揮嘅餐湯然後到主菜肉眼扒配薯條🍽️，肉眼扒唔係茶記嗰啲薄薄一片，(當然未去到扒房嘅厚切)，薯條份量好多，新鮮炸好，好好食👍🏻牛扒切開仲有肉汁流出嚟，而且唔係一般"拿"到變晒味嘅牛扒，好有牛味，$89一個set嚟計真係超值🫶🏻美中不足係成塊牛扒唔係均一厚薄，大概有¼位置Overcooked😕飲品都係正常發揮，唔多講-結論💬午餐嚟講，呢一個價位嘅西餐真係物超所值，食咗幾次都好滿意💖價位唔太貴，服務質素好，食物出品唔錯❣️商場仲有泊車優惠…查看更多

上星期假日，我同朋友終於去咗粉嶺嘅Route 83(逸峯商場)試吓呢間好評如潮嘅西餐廳。呢度裝潢真係一絕，結合咗現代同復古風格，環境舒適，座位唔算多但擺設寬敞，感覺好relax。先講食物，必試推介就係佢地嘅德國鹹豬手。外皮炸得好脆，肉質嫩滑，唔會太鹹，配埋滑溜溜嘅薯蓉，真係一流！而且薯蓉仲有啲薯仔粒，口感豐富，唔會太膩。唯一可惜嘅係上菜時唔夠熱，但味道真係冇得彈。另外我哋仲試咗龍蝦汁意粉，意粉煮得啱啱好，軟硬度適中，龍蝦汁酸酸甜甜好開胃，雖然龍蝦肉質一般，但整體嚟講都係值得一試嘅。最後當然唔少得甜品，芝士蛋糕真係出乎意料咁好食，芝士味香濃，而且口感滑溜，仲有啲酸酸嘅蘋果粒，食完有種清新嘅感覺，完美收尾。整體嚟講，Route 83係一間性價比極高嘅西餐廳，食物質素唔錯，價錢合理，環境又好，適合朋友聚餐或者約會。下次我一定會再嚟試埋佢地其他嘅招牌菜！…查看更多

龍蝦汁煮藍青口汁嘅味道酸酸地 都幾開胃青口Overcooked咗 所以啲肉係唔滑味道都OK嘅，有青口嘅甜味冇腥味蒜蓉包係夠脆嘅，但係好可惜係凍德國鹹豬手佢嘅鹹豬手個皮可以整到夠鬆脆切開咗一件件，食嘅時候好方便酸菜加埋一齊會令到成個口感清爽啲冇咁油膩亦都冇咁鹹好友驚喜佢個薯蓉，除咗有泥狀夠滑之外仲有啲薯仔粒粒綿得來保留返有啲口感好香濃嘅薯仔味，鹹味亦都啱啱好但係都係好可惜，上菜嘅時候係唔熱嘅！芝士焗龍蝦配龍蝦汁意粉首先講吓隻龍蝦，唔好有大期望肉質係好梅嘅，而且冇乜芝士味反而意粉有驚喜，軟硬度啱啱好個汁又係大有蕃茄少少酸而且有龍蝦汁嘅濃味加埋一齊係香濃得來唔會膩！美式咖啡有基本拉花襯埋佢隻杯都幾靚但係咖啡唔夠香濃 味道偏甘 唔係偏酸是日芝士蛋糕呢個都係有驚喜夠重芝士香味，而且夠滑入邊有啲蘋果粒粒，酸酸地好鍾意，食完係有一種清新嘅感覺第一次食呢間餐廳，食物質素都唔錯價錢都抵嘅！除左座卡位外，啲位就窄啲！下次再試吓睇吓可唔可以高水準先！…查看更多

北區的一間四四正正嘅西餐廳，仲要有下午茶，你又會唔會想試吓呢？呢間餐廳餐牌選擇多，下午茶2:30開始，亦可選擇午餐餐牌及小食，價錢非常合理。真係花多眼亂。午餐包括餐湯或沙律，主菜及一杯飲品。沙律汁普普通通，牛扒正常，但係有少少overlooked . 薯條份量多，但係佢係比較硬身而唔係脆身。另外下午茶餐就包左一個小食及飲品。當日點了pizza，Pizza餅底偏向乾身。8” size 作為下午茶剛剛好，由於價錢比較平嘅關係，所以都尚算合理。…查看更多

下午茶餐：小食併盤+熱檸檬茶有薯條、雞翼、炸魚、洋蔥圈、沙律菜、千島沙律醬，炸物全部即炸熱辣辣，炸得香脆唔油膩。薯條係粗身薯條，更有口感；雞翼皮脆肉嫩；魚手指魚肉紮實；洋蔥圈夠大個；沙律菜正常。…查看更多

喺呢一間餐廳，幫佢改咗個名，叫Route 320 叫左塊七成熟嘅肉眼扒，佢俾咗牛肉乾我。食落去，味覺非常刺激，牛肉味好重，相信風乾左好耐。如果再有下一次，叫佢三成會比較好啲。…查看更多

真的太耐無來到粉嶺聯和墟這邊吃吃喝喝了 這天剛好來這裡附近玩 找上了這間在小區商場內走歐陸風格西餐廳 餐廳面積蠻大的 座位寬敞舒適 價錢親民 店員服務態度超好的👍🏻看到餐牌 本來想食PIZZA 但兩個人好像吃不了這麼多 所以就只好忍心放棄😭·🎃南瓜蟹肉忌廉湯超濃郁鮮甜的湯 底下還有很多(真)蟹肉 絕對不是蟹柳 真的用料十足👍🏻還有塊脆脆吐司 可以沾著吃！·🦀鮮蟹肉煙三文魚他他看似很少的幾片 但其實用的材料並不簡單最底的是香脆的麵包 上面放了兩片青爽的青瓜片 最上層是蟹肉和煙三文魚的混合 還有蟹籽點綴 增加了口感 真的好愛這個·主角登場了！ 🐷德國咸豬手配薯蓉嘩😳超大一隻咸豬手 份量十足 咸豬手味道 有咸味但不是太咸那種 廚師在製作前的加工真的做得很好👍🏻外皮脆口不會太韌 肉的肥瘦也非常平均 口感細嫩👍🏻😋特別說一下：薯蓉真的很好吃！哈哈另外還有個紫色和淡黃色的薯菜都很不錯 正好可以中和一下豬手的油膩感👍🏻·🦞芝士焗龍蝦配龍蝦汁意粉龍蝦 再配上蕃茄龍蝦汁 味道很濃郁 很開胃 醬汁份量也剛剛好 不多也不少！…查看更多

呢間餐廳我之前都去過3次，家姐話請食飯，我就帶佢黎試下我地有4個大人同一個BB，地方闊落，仲有BB櫈。叫左4樣野食，第一樣係小食拼盤，熱辣辣，而且份量多，我最中意食洋蔥圈第二樣係我每次黎都必叫嘅軟殼蟹蝦頭細意粉，味道濃郁，一定要試！家姐都話好中意！第三樣係83 pizza, 餅底好脆第四樣係三文魚扒配薯蓉，味道就普普通通，下次唔會再嗌另外店員都有禮貌，我地話冷氣凍，即時幫手較細左。總括而言，環境、食物質素同服務都唔錯，會再黎食～…查看更多

七月初揾食肥華，一個錯誤加愚蠢嘅選擇，令到靚媽及遠道出來，陪肥爸食晚餐的細仔仔，鋸咗個劣食扒餐，有見及此，肥華在7月2O日專誠帶佢哋兩位到呢間，在OPenRiCe仍未有負評嘅餐廳，食番餐好嘢，以作補償，而今餐在此店食到嘅晚餐主食，除咗個德國咸豬手，有名大於實，味道令肥華三人感到失望衹值C+評分外，其他三款菜色，以香煎美國豬胺扒味道最出色，得到一致好評，俾個A++佢亦不為過，而個紐西蘭肉眼扒及炸手指魚，亦屬佳作有A級水平，美味嘅食物，加上此店員工對顧客，細心到位嘅服務態度，難怪此店好評如潮，值得捧場👍👍👍…查看更多

聯和墟好似係唯一一間歐陸風既Cafe,🥰環境舒服又親民，重要抵食又好味😋職員👍🏻好好服務態度❤️2個人叫咗一個Dinner set同一個小食，原來每個Dinner set都包餐湯、沙律、甜品同飲品👍🏻👏👏南瓜忌廉湯，濃醇金黃，有淡淡南瓜香味，香甜幼滑中，仲有一份清新感，大推讚！🙌🏼沙律清甜又新鮮。牛肉好鮮，帶有少少牛味👍🏼扁意粉軟到適中。龍蝦汁藍青口配蒜蓉多士意想唔到既好味，龍蝦汁又唔會遮哂青口既鮮甜味！再將蒜蓉多士點龍蝦汁，原來都好好食㗎😋甜品係藍莓芝士蛋糕🥰棉花糖朱古力，香滑又濃。正…查看更多