走過十萬八千里找到你

營業中

休息中

成日喺Instagram見啲人去依度食飯打卡，今日就同朋友行完旺角之後去食晚飯。餐廳環境佈置舒適，都幾適合情侶拍拖食飯談心。晚餐menu都幾多選擇，服務員態度和藹親切、準確。安格斯牛肩胛一口牛溫泉蛋茶漬意大利飯夠哂細心嘅意大利飯。將安格斯牛肩胛切成一口size，好方便進食。牛肩胛味香鮮嫩，再加上溫泉蛋蛋漿，非常好味。明太子岩鹽燒蟹棒貓耳朵依個應該都係餐廳最多人點嘅意粉款式嚟。明太子忌廉汁調得好好，濃郁得嚟唔膩，貓耳朵嘅型狀將汁醬保留住，加上煙韌嘅口感，相當好食。紅寶石巧克力草莓鮮奶賣相相當精美嘅一杯飲品。士多啤梨味好香濃，再加上淡淡嘅朱古力味，甜而不膩。玫瑰抹茶一杯大眾化嘅抹茶latte上、散發出玫瑰嘅香氣同味道，成件事好夾好清新。餐廳用嘅係丸久小山圓抹茶，絕對係抹茶嘅保証。