影片
更多
2023-02-25
88 瀏覽
平時如果想食日本菜慶祝嘅話，好多人淨係會諗到食Omakase🤪但偶爾中就俾我發現咗呢間超有feel嘅高級日本料理店💖呢間日本菜係由兩位福岡出身嘅日本廚師👨🏻🍳主理，主打食各款時令日本料理，有刺身、壽司🍣、壽喜燒等，而且大部分食材都係日本直送✈️保證食材新鮮💛呢次同朋友嚟，一到達餐廳已經好驚歎🥹裝修超靚！完全好似返咗江戶時代咁🏯，經過充滿紅葉🍁嘅石牆區，仲會有塌塌米區，超有日本特色😍🌟北海道銀鱈魚刺身🐟 $148 銀鱈魚刺身係厚切的💖上面用火槍燒過，令油香更突出，食落好肥美🤤總廚叫我哋試點隔離嘅柚子醬，突出魚嘅鮮味，食落口魚油味超香，肉質嫩滑無筋，入口即溶❤️🌟北海道蟹道樂🦀 $198/客最底係蟹肉山，上面鋪滿海膽，旁邊配有粒粒三文魚籽，最頂仲有魚子醬同金箔做點綴✨成件事好精緻同好華麗💖而味道都係令我好驚艷的！海膽鮮味十足，重海水味🌊，但絕對唔苦😋蟹肉一絲絲，味道都係好鮮甜！🥹廚師叫我哋將所有野撈埋一齊食，然而撈埋之後味道又係昇華咗去另一個層次😳最鍾意係佢夾埋啲三文魚籽一齊食嘅時候，三文魚籽喺口裡爆汁嗰下😚係完全唔腥！而且仲有淡淡嘅柚子味💛令成個dish都好鮮甜✨🌟A4宮崎和牛他他 配 炸
🌟北海道銀鱈魚刺身🐟 $148
銀鱈魚刺身係厚切的💖上面用火槍燒過，令油香更突出，食落好肥美🤤總廚叫我哋試點隔離嘅柚子醬，突出魚嘅鮮味，食落口魚油味超香，肉質嫩滑無筋，入口即溶❤️
🌟北海道蟹道樂🦀 $198/客
最底係蟹肉山，上面鋪滿海膽，旁邊配有粒粒三文魚籽，最頂仲有魚子醬同金箔做點綴✨成件事好精緻同好華麗💖而味道都係令我好驚艷的！海膽鮮味十足，重海水味🌊，但絕對唔苦😋蟹肉一絲絲，味道都係好鮮甜！🥹廚師叫我哋將所有野撈埋一齊食，然而撈埋之後味道又係昇華咗去另一個層次😳最鍾意係佢夾埋啲三文魚籽一齊食嘅時候，三文魚籽喺口裡爆汁嗰下😚係完全唔腥！而且仲有淡淡嘅柚子味💛令成個dish都好鮮甜✨
🌟A4宮崎和牛他他 配 炸甜蕃薯🍠 $158
呢個他他好特別💖生嘅A4宮崎和牛切碎粒，上面加上日本生蛋黃同蔥花，有啲似鹹蛋蒸肉餅🤣撈埋之後會同炸蕃薯片一齊食～和牛油脂好豐富，蛋黃味好香濃，令生牛肉更易入口🥰炸甜蕃薯係好似薯片咁好薄好脆！而且好甜嘅蕃薯味✨
🌟A4宮崎和牛壽喜燒120g (2人前) $488
個人嚟講呢個菜式性價比超高🥰套餐有3大片A4宮崎和牛、兩隻日本蛋同一大鍋野菜🍲總廚介紹呢度用嘅A4宮崎和牛係鹿兒島出產，而且啲牛牛飼料係有加少少紅酒🍷令佢嘅肉味更加香濃💖牛肉嘅紋花好靚🥰脂肪比例高，用甜醬油煮到半熟後，點上深橙色嘅蛋漿，食落肉味香濃，肉質好嫩滑，有入口即溶嘅感覺✨❤️好幸福！鍋入面仲有冬菇、娃娃菜、金菇、洋蔥🧅用甜醬油煮完之後所有配菜都好好食😋尤其是洋蔥！因為本身我唔食洋蔥，好怕佢嗰種辣味😨呢個洋蔥爽口得來係完全冇生洋蔥嗰種味！係好甜好好食🥹呢個係被驚訝到！
🌟Bubble Ice Tea🍸$68
店員俾我哋揀有酒精或者冇酒精，我哋就揀咗有酒精嗰款，酒精味唔算濃，但係就好香果味✨店員即時示範用槍喺ice tea嘅上面整成半圓嘅氣球🎈一郁就會化成煙霧😬好靚好神奇！
總括嚟講覺得呢間餐廳係慶祝一流嘅地方❤️唔單止地方靚，店員態度好，食物質素都好高✨覺得係好值得嚟嘅餐廳💖臨走前廚師仲同我哋講下次嚟可以打嚟同佢哋講定想食啲咩，會reserve俾食客🤤超體貼！
加一服務費：✅
回頭率：❤️❤️❤️❤️❤️ (5個❤️為滿分)
📍地址：一瀧 (銅鑼灣)
銅鑼灣登龍街1號金朝陽中心2期Midtown 8樓
張貼
