洋食商店 (喜遇)

營業中

休息中

行過長沙灣，見到有間好特別嘅餐廳。好日本風好懷舊。原來係西日居酒屋。見門口好多人等位，好彩等左一陣間就有位🤭*炊飯意粉餐有：迷你三黃雞香蔥炊飯飯面有一大隻雞肶，燒到金黃酥脆，食落好香三黃雞油味。雞肉juicy 又嫰。啖啖肉。好味。炊飯有焦香味，食落脆卜卜，加上雞油香味和飯焦，就像日本版煲仔飯，好正😊*海鮮明太子意粉意粉面上一大隻原隻軟殼蟹，下面仲有好多大大粒帶子及蜆。軟殼蟹多肉汁，又肥美，意粉煮得夠彈牙，每條意粉都掛滿了cream 及明太子。咬落去口感好得意，煙靭彈牙之餘又有卜卜脆明太子。*明太子玉子燒 玉子燒上面滿滿嘅明太子醬及蟹籽，玉子煮得好滑溜，好香蛋味，好似食緊布甸咁，滑脫脫。配埋明太子味道好夾好好味。*燒味醂魚乾魚乾燒到夠juicy, 魚乾面夠脆，食落又香口，好開胃好惹味。🍨 雪糕梳打賣相夠懷舊，雪糕加可樂。好飲。*手搖冷泡水果茶夠果味，解渴又好飲。*甜品：Tiramisu 盒子有少量酒精。Tiramisu 夠滑溜，墊底咖啡酒夠香濃。呢個甜品必選。