洋食商店 (喜遇)

營業中

休息中

去咗長沙灣一間勁啱打卡嘅昭和風格餐廳🍴入面食嘅係西日居酒屋嘢食，估唔到嘢食幾好食之餘周圍都有靚好有氣氛，推介一班friend去食💫*招牌鍋物餐*⭐️黑牛壽喜燒燉飯黑牛油花均勻，會有專人用關西風做法煮俾你食。食完牛之後會用充滿肉味嘅汁煮菜。最後先加芝士煮成壽喜燒燉飯，超級惹味。🍢串燒拼盤有雞翼、蝦、豬肉、冬菇、秋葵、菠蘿。樣樣都juicy燒得啱啱好，配埋店家自己調配嘅墨西哥辣椒醬最正。🥚明太子玉子燒呢個配搭好難唔好食🤣🥟雞皮餃子出面係雞皮，入面係juicy餃子肉。🥑牛油果沙律沙律菜好fresh，食咁多油膩嘢食返呢個解膩。🍨白桃草莓芭菲少女心爆發，成個粉紅色上面啲裝飾又靚。當然的味道都好好，有白桃果肉又有雪糕刨冰。