老厝邊

營業中

休息中

上次試過荃灣嘅老厝邊，今日嚟到銅鑼灣又見到老厝邊，銅鑼灣呢間店好多顧客光顧，剛巧是晚餐時間，要排隊等入座。➰ 台式香腸滷肉大碗公呢碗卤肉饭夠大碗，有小棠菜、粟米、芽菜和半只卤蛋做配菜。整碗飯嘅卤肉份量好多，而且肥瘦均匀，重有4大塊台式香腸，香腸夠晒香甜鮮美，更能提昇整碗嘅層次，另外重加配埋大大隻流心太陽蛋，令到整個飯更為豐富。➰ 眷村牛筋麵呢碗牛筋麵好大碗，有五塊大牛筋，牛筋炆到夠晒稔，口感滑嘟嘟，好鬼正！ 而麵質又富有彈性，可充分吸收到紅燒湯嘅味道，而配菜更加入了酸菜和青菜，既可解膩又能增加口感。➰鹽酥雞鹽酥雞外皮酥脆、肉質又夠鮮嫩多汁，而味道帶有濃濃嘅椒鹽香味，提昇咗整個口感。➰ 凍冬瓜檸檬冬瓜嘅清淡配搭咗清新嘅檸檬，酸甜適中，絕對適合夏天飲用。➰ 凍蜂蜜檸檬愛玉香甜嘅蜂蜜配埋檸檬嘅酸爽，夠清爽怡人，再加埋Q彈嘅愛玉，提升咗整個口感。