更多
2017-06-29
177 瀏覽
是咁的~今次約左兩位好朋友食飯吹水 同朋友吹水往往就係唔知食咩好 咁佢地不嬲都冇咩所謂 所以我就發板決定試下呢間啦 因為好多人都話一休唔錯 抵食水準高 加上朋友胃口唔大 食放題就唔太抵 咁一休就啱曬咁一休雖然係樓上鋪 但地點其實好方便 近地鐵站E出口 唔難搵入到去 鋪面都幾大 環境唔錯呀 我地一行三人被派入房仔 掂呀!啱曬我地吹水呀嘛不過咁打得食評梗係講番d野食先 一休有個特價menu 仲有一至日 七日都有唔同嘅野特價 我地食飯係星期四 特價就係鐵板魷魚 梗係要試啦 另外都叫左其他野食鐵板魷魚上枱果陣仲係滋滋聲嫁 真係新鮮滾熱辣呀味道方面 佢加左d芝麻同燒汁 令到成碟魷魚味道更加香 魷魚新鮮彈牙 肉質唔會梅 絕對食得過39.9嘅特價三文魚刺身 好似話唔知叫夠100定200就可以以呢個優惠價叫呢碟刺身 心諗三個人100 200一定得啦呢碟刺身唔好以為特價就將貨就價 10塊 片片都幾厚下 而且食落好鮮甜好香 唔會話雪太耐硬曬 但又唔會解凍過龍出曬水 而且厚薄適中 咁樣先唔會食幾片就膩食唔落呀嘛下面嘅壽司 一件都係$9炸 都係特價款黎 有四種分別係炙燒左口魚邊 炙燒A5和牛 赤貝 同厚切三文
一休雖然係樓上鋪 但地點其實好方便 近地鐵站E出口 唔難搵入到去 鋪面都幾大 環境唔錯呀 我地一行三人被派入房仔 掂呀!啱曬我地吹水呀嘛
不過咁打得食評梗係講番d野食先 一休有個特價menu 仲有一至日 七日都有唔同嘅野特價 我地食飯係星期四 特價就係鐵板魷魚 梗係要試啦 另外都叫左其他野食
鐵板魷魚上枱果陣仲係滋滋聲嫁 真係新鮮滾熱辣呀味道方面 佢加左d芝麻同燒汁 令到成碟魷魚味道更加香 魷魚新鮮彈牙 肉質唔會梅 絕對食得過
39.9嘅特價三文魚刺身 好似話唔知叫夠100定200就可以以呢個優惠價叫呢碟刺身 心諗三個人100 200一定得啦
呢碟刺身唔好以為特價就將貨就價 10塊 片片都幾厚下 而且食落好鮮甜好香 唔會話雪太耐硬曬 但又唔會解凍過龍出曬水 而且厚薄適中 咁樣先唔會食幾片就膩食唔落呀嘛下面嘅壽司 一件都係$9炸 都係特價款黎 有四種分別係炙燒左口魚邊 炙燒A5和牛 赤貝 同厚切三文魚 講真以9蚊件黎講 真係好抵食 特別係左口魚邊 好香 d魚油係個嘴到好滿足 不過左口魚邊呢d一件起兩件止就夠 唔係又會太膩 好難消化 A5和牛我就覺得冇咩味喇坦白講赤貝都爽但略嫌鮮甜味唔係好夠 不過有可能係食左左口魚邊先令到個口個味覺濁左所以食唔出赤貝嘅清新鮮甜味厚切三文魚 咁厚九蚊真係必食俾起刺身嘅三文魚更加香 正
鰻魚炒飯就唔係好抵 因為好少鰻魚 而且價錢相對其他黎講唔算平 所以唔抵食 味道係唔錯 但太少鰻魚喇 佢仲要切絲都咁少 唔可以唔扣分
呢個墨魚嘴超正 吹水啤啤佢叫呢個最啱 份量多價錢平 而且質素高 即叫即炸 絕無馬虎 個人覺得叫墨魚嘴好過雞軟骨 一黎健康dd(雖然炸本身係唔健康)同埋呢食海鮮好過食肉啦 呢個好好味 值得一試~~
呢個好似叫咩三文魚加州卷 好似四十幾蚊六件 都算抵食啦 大大件 三文魚雖然唔係厚 但同樣新鮮香甜 加埋蟹籽沙律醬有種清新嘅感覺
呢到嘅招牌菜 一休沙律 好似六十幾蚊 唔好睇佢價錢好似偏高 但同質素成正比嫁 佢係有立魚 三文魚等等嘅魚生係到 仲要全部角切 而且仲有甜蝦 配埋另外上嘅芝麻醬 撈埋一齊好好食 好開胃 作為頭盤絕對要一試 大大碟 質量份量都好高 所以其實俾貴dd都抵
最後叫左兩支啤酒所以加左呢碟鐵板牛柳粒 嘩好彩有叫炸唔係真係走寶 好似又係六七十 但份量好足 每粒牛柳粒都大大粒 大約六七成熟 所以咬落唔會因為太大粒而好難咬 而且佢用左蒜片一齊整 蒜片比蒜粒有更高表面面積 所以會令到蒜味同蒜汁有更加多嘅機會落到每粒牛柳粒到 蒜味同洋蔥味令牛柳粒嘅味道得以提升 而蒜汁會令牛柳粒肉身更腍更軟綿 必食之選
總括黎講 如果大家唔係大胃王 我會推薦佢俾大家 絕對唔係話呢到d野份量細 而係大食嘅你叫下一樣叫下一樣 分分鐘貴過放題(雖然佢價錢都算平算抵) 味道質素都好高 以前真係冇留意呢到有間咁穩屏嘅高質日式料理店 大家可以多多留意下
下次等我帶女朋友仔黎食下先
張貼