牛車水餐廳 (美孚新邨)

營業中

休息中

美孚呢間牛車水已開業超過十年，多年前食午餐，個場都幾爆下。食物質素一般，尚算可以，午餐價錢算貴少少，有加一服務費。前兩日夜晚收工約八點，在美孚附近，諗住去幫襯下。個場咁大，竟然得兩枱客，都覺得奇。 諗住食少少野，見餐牌價錢加咗價。小菜套餐價錢平均差不多要九十蚊，咁叫咗碟星洲炒貴刁，加凍奶茶，埋單$72蚊。碟炒貴刁，色水淡黃，有幾條肉絲，椒絲幾條，毛仔幾粒。食落淡味，河粉炒得好碎濕濕，筷子夾唔起，肉絲有縮味。最後食咗一半河粉走人。呢餐太失望。