御泰坊-泰越菜 (已結業)

見咁耐冇去呢一間餐廳食於是就叫埋朋友一齊嚟食個下午茶。我同朋友都帶咗一個自選湯河嘅下午茶餐配一杯嘢飲。我自己就叫咗一個雞絲扎肉鴨胸配雞湯檬粉:朋友叫嘅都差唔多只係鴨胸變咗豬頸肉。先講講個份量下午茶算係咁啦，不過等候時間非常之耐，起碼用咗20分鐘等呢一碗粉上碟嘅時候仲要係微暖。不過啲配料就分量足夠特別係雞絲做得唔錯嘅啲雞比較嫩滑而且份量都係比我想像嘅多。扎肉就略嫌切得比較薄身，但係個鴨胸係超乎我想像嘅難食佢嘅味道好奇怪完全唔係街邊食到嘅鴨胸味，我食咗一啖就冇再食。整體而言啲一個湯河亦都只係剛剛好合格。