影片
更多
2018-02-25
623 瀏覽
又到星期六, 肥妹仔我訓到差唔多十一點先起身, 又係呢D食早餐嫌遲,但係食午飯又嫌早既尷尬時候....好彩肥妹仔的表舅父,表舅母今朝黎肥妹仔到拜年, 一於join埋長輩們既聚會去填飽個肚先~~因為肥妹仔我今次遲咗起身所以遲咗到, 去到既時候娘親,表舅父,表舅母已經食緊,所以肥妹仔只好影已經食咗小小既點心俾大家,希望大家唔好介意啦!!!醬汁蒸鳳爪(中) 流沙奶皇包 (中)翡翠荀蝦餃皇(特)先講醬汁蒸鳳爪, 佢既醬汁係平時大家食開果隻, 有豆豉, 南乳果隻味,普通到無得再普通, 個鳳爪蒸得好軟諗, 正常. 至於個流沙奶皇包, 唔知係咪肥妹仔我遲到,所以個奶皇包係凍晒!!!!大家都知流沙奶皇一定要熱食先感受到果種流沙奶皇果皇熱到盪嘴既咸蛋香, 可惜肥妹仔我今次無緣品嚐到, 不過唔緊要, 雖然感受唔到果種熱到盪嘴既快感, 不過肥妹仔我都可以同大家講番個流沙奶皇包既味道既~~佢既流沙奶皇係有咸蛋王既香味, 不過就奶皇味就偏淡, 做唔到奶香同咸香既平衡, 唔知有無人同肥妹仔一樣, 都係比較鍾意食奶味重既奶皇包呢?? 到個翡翠荀蝦餃皇啦, 呢個有驚喜bor!!!就算肥妹仔我食果陣時已經凍晒,不過個翡
因為肥妹仔我今次遲咗起身所以遲咗到, 去到既時候娘親,表舅父,表舅母已經食緊,所以肥妹仔只好影已經食咗小小既點心俾大家,希望大家唔好介意啦!!!
醬汁蒸鳳爪(中) 流沙奶皇包 (中)
翡翠荀蝦餃皇(特)
先講醬汁蒸鳳爪, 佢既醬汁係平時大家食開果隻, 有豆豉, 南乳果隻味,普通到無得再普通, 個鳳爪蒸得好軟諗, 正常. 至於個流沙奶皇包, 唔知係咪肥妹仔我遲到,所以個奶皇包係凍晒!!!!大家都知流沙奶皇一定要熱食先感受到果種流沙奶皇果皇熱到盪嘴既咸蛋香, 可惜肥妹仔我今次無緣品嚐到, 不過唔緊要, 雖然感受唔到果種熱到盪嘴既快感, 不過肥妹仔我都可以同大家講番個流沙奶皇包既味道既~~佢既流沙奶皇係有咸蛋王既香味, 不過就奶皇味就偏淡, 做唔到奶香同咸香既平衡, 唔知有無人同肥妹仔一樣, 都係比較鍾意食奶味重既奶皇包呢?? 到個翡翠荀蝦餃皇啦, 呢個有驚喜bor!!!就算肥妹仔我食果陣時已經凍晒,不過個翡翠荀蝦餃皇個蝦係食得出爽脆鮮味, 而且隻蝦既size都唔細, 有誠意, 蝦餃皮煙煙韌韌, 非常好食!!
紫心香芋丸 (中)紫心香芋丸係肥妹仔我去邊度飲茶都會叫既一個點心, 因為肥妹仔我真係好鍾意紫芋果隻香甜既味道!!呢個紫心香芋丸外皮炸得香脆, 內裹既糯米粉團搓得煙韌, 可惜香芋的內餡實在太小,食粉團多過食餡,非常失敗!!!!!
金鈔銀蘿腸 (精)因為肥妹仔我係超級鍾意食香口野.....所以一見到呢個金鈔銀蘿腸就即刻點咗佢!!!!個粉腸包住脆的米網, 米網內面係包住蘿蔔絲.....Er....個蘿蔔絲真係好油,油到食一啖已經想放低唔食!!佢既味道係似蘿蔔絲酥, 味係調得唔錯, 但真係太油膩, 起初食既時候米網都係脆, 可惜隨住時候既流逝, 米網變諗, 好似食緊一件件又諗又油既腸粉.....好難食!!!!
水晶潮州粉果 (中)拿!!!!呢碟就正常啦, 粉果皮煙韌, 內餡有粉礍, 蝦米, 肥豬肉,蔥, 非常香蝦乾味, 好食!!!
蒜蓉蒸鮮魷 (精)呢碟點心一上枱賣相真係麻麻, 好似水汪汪咁...不過食落又唔算好淡味bor, 蒜蓉味都幾濃, 可惜D鮮魷係唔新鮮係貨色, 用粉拿得好西利, 食落去好梅....唔好食!!!!!
沙嗲金錢肚 (大)肥妹仔我覺得呢個點心改錯名, 應該叫醬汁金錢肚, 因為個汁一D都唔沙嗲, 似醬汁鳳爪隻味.....唔係難食但一定唔係沙嗲味lol....個金錢肚都蒸得軟諗, 唔係爽口果隻質感, 不過不失啦!!!!
欖豉醬蒸排骨 (大)豉椒排骨既味道, 肥瘦肉適中, 無咩特別, 可以啦!!!
食完呢餐之後肥妹仔我覺得海港既質數差咗好多, 可能樓下間權X仲好食, 係時候海港要times out一陣了
張貼
