The Story Cafe and Bakery

營業中

休息中

行過商場見到餐廳嘅裝修以海洋同船為主，佈置得好靚好有特色，所以吸引左我地入去食晚餐。鐵板紐西蘭牛肉眼扒 ($82)肉眼扒都幾大塊，肉質比較有咬口，咬落肉汁都算多，唔會話煎到鞋烚烚。不過牛肉味偏淡亦都無咩油香，整體不過不失。80幾蚊就可以係西餐廳食到肉眼扒餐算係幾抵。咖哩牛肉溫泉蛋芝士鐵板焗飯 ($68)咖哩汁偏似港式咖哩，味道甜甜地又唔會話太辣太重香料味，不過咖哩醬汁唔足夠撈飯，令到整體焗飯較乾身。面頭芝士睇落份量好足應該好惹味先喺，不過食起上嚟就欠缺芝士味，有點失色。除主餐以外，餐牌上的甜品賣相都相當精緻，而且款式選擇多。不過我地當天已經食得太飽，惟有下次有機會再嚟試下呢到嘅甜品。