影片
更多
2021-09-29
551 瀏覽
筲箕灣新型住宅「形薈」地下又開左新食店🤩 今次係哩區比較少見嘅上海菜「一家」，鍾意食上海野嘅小編由佢地裝修已經𝘣𝘰𝘰𝘬𝘮𝘢𝘳𝘬住😎 店舖裝修有品味，懷舊綠白色地磚襯托現代感霓虹燈💡扁身嘅飯碗好似古時飲水嘅湯碗，好有風味👍🏻 而最令人意想不到嘅係，貼心店家每檯都有一座迷你電風扇比客人，大汗人士都唔怕😎👍🏻《 雲吞擔擔麵 》 $55 / 午市套餐價 4.5 / 5套餐包前菜醃青紅蘿蔔🥕 擔擔麵麵底夠大，麵質彈牙又索汁，就算浸左係湯好耐都唔會淋到斷開晒！😳 湯底微辣少嗆喉，花生味濃😋 菜肉雲吞皮夠薄👍🏻《 小籠包 》 $50 4 / 5上海菜點少得小籠包，皮嘅厚度適中，啱啱好包裹住肉餡🤤 餡料都夠香，但略嫌唔夠多汁啜一啖就無晒唔過癮😮💨《 醬爆茄子黑豚肉 》 $62 4 / 5軟香嘅茄子🍆配上爽脆嘅黑豚肉，拌飯一流！🤤 醬汁偏甜幾開胃，而且米飯蒸到企身粒粒分明😋《 沉實爸爸 》 $40 3 / 5芝麻味嘅芝士奶蓋係好創新嘅𝘐𝘥𝘦𝘢💭 但可能本身款芝士奶蓋底較酸，加埋芝麻味飲落怪怪地好似酸乳酪🙈 伯爵茶茶底無咩茶味，底下嘅寒晶粒就增加口感👍🏻《 可愛細妹 》 $34 1 / 5本身係白
店舖裝修有品味，懷舊綠白色地磚襯托現代感霓虹燈💡扁身嘅飯碗好似古時飲水嘅湯碗，好有風味👍🏻
而最令人意想不到嘅係，貼心店家每檯都有一座迷你電風扇比客人，大汗人士都唔怕😎👍🏻
《 雲吞擔擔麵 》 $55 / 午市套餐價 4.5 / 5
套餐包前菜醃青紅蘿蔔🥕 擔擔麵麵底夠大，麵質彈牙又索汁，就算浸左係湯好耐都唔會淋到斷開晒！😳 湯底微辣少嗆喉，花生味濃😋 菜肉雲吞皮夠薄👍🏻
《 小籠包 》 $50 4 / 5
上海菜點少得小籠包，皮嘅厚度適中，啱啱好包裹住肉餡🤤 餡料都夠香，但略嫌唔夠多汁啜一啖就無晒唔過癮😮💨
《 醬爆茄子黑豚肉 》 $62 4 / 5
軟香嘅茄子🍆配上爽脆嘅黑豚肉，拌飯一流！🤤 醬汁偏甜幾開胃，而且米飯蒸到企身粒粒分明😋
《 沉實爸爸 》 $40 3 / 5
芝麻味嘅芝士奶蓋係好創新嘅𝘐𝘥𝘦𝘢💭 但可能本身款芝士奶蓋底較酸，加埋芝麻味飲落怪怪地好似酸乳酪🙈 伯爵茶茶底無咩茶味，底下嘅寒晶粒就增加口感👍🏻
《 可愛細妹 》 $34 1 / 5
本身係白桃茉莉花茶，結果成杯俾青檸味覆蓋🥲 仲要有好多青檸核，要一路飲一路吐😮💨😮💨😮💨呢個價錢好唔抵！
整體而言店家都好着重食客嘅食後感，會主動詢問品質意見，會俾多次機會試埋其他主菜😎
張貼
