神川日本料理

營業中

休息中

OMAKASE唔一定離地，離哂地的西環區竟然有一間貼地的小店。佢哋啲廚師發板由客人自己定價，幾百蚊都能夠食到好西。沒有奢華裝修，卻滿有心思同誠意。前菜三款各有特色，擺碟同製作都頗有誠意。左起：日本青瓜配日本麵豉粒，重口味同清新感balance得唔錯；芥辣八爪魚不過不失；醋物是海草同三文魚鼻，薄薄的一片又滑又脆。刺身分別係三文魚、竹籤魚、甜蝦、吞拿魚同墨魚卷。墨魚卷好有驚喜，墨魚捲著海膽，鮮味DoubleUp!日本蕃茄別有心思地安排在刺身後，可以清一清味蕾。單是點番茄的醬汁已經有三款，配合不同食客的口味：岩鹽、沙律汁、日本和風汁呢個創作卷物好特別，有少少西洋風。中間係微辣吞拿魚，上面係炸蝦碎同三文魚子。成件事有強烈的Fusion感覺。當晚的主食是稻庭冷烏冬，烏冬彈牙，醬料亦夠誠意。壓軸的是鹽燒𩶘魚，鹽燒魚食得多，多數在西餐廳中會見到。但呢度個魚比較特別，有一層昆布包住，可以阻隔鹽粒直接掂到魚皮，冇咁鹹同搶鮮。拆開昆布，魚肉保持到嫩滑。作結的是朱古力蛋糕，有幾粒鹽作點綴。頗為滿足的一個晚上，無需付出天價，小店索價只是$450。