吉豚屋吉列豬扒專門店

營業中

休息中

好耐冇食過日式吉列豬。雖然喺日本吉列豬都係豐儉由人，平嘅超市或者便利店便當都會見到，中價有連鎖店，去到專食熟成豚肉嘅專門店都有，但頂晒籠都係$200樓下。香港嘅過江龍好早已經過咗$200大關，唔少已經要三百鬆啲先落到樓。『吉豚屋』嘅平價定位正正係預算有限嘅人嘅首選，唔駛一舊水可以食到正宗做法嘅炸豬扒，喺香港地實屬難得。叫咗『雙層吉列豬扒定食』，盛惠$89。雖然無得任食椰菜同白飯，主打嘅豬扒炸得唔錯。炸粉酥脆唔會甩皮甩骨，豬扒依然鎖住肉汁，一咬之下滿口油香，十分滿足。由於價格關係，豬扒嘅肉味係稍有欠缺，但性價比依然係唔錯嘅。