ARGO

營業中

休息中

我地足足等左1個月先食到呢個lunch buffet 餐廳環境裝修優雅, 樓底夠哂高, 影相打卡一流 !Buffet 主打貴精不貴多, 海鮮種類有鮮蝦, 長腳蟹等等, 絕對新鮮。冷盤有煙三文魚, 意大利既風乾火腿同各式各樣既芝士, 仲有鵝肝醬。魚生方面有三文魚, 吞拿魚, 帶子等等, 全部都好新鮮。熱盤就不過不失啦, 乳豬皮好脆口, 焗帶子都好正, 必食 ! 即叫即煮既意粉都好唔錯, 但都幾漏下。南瓜湯略為有點過咸。羅宋湯味道濃郁, 唔錯。四季既甜品一向有品質保證, 款式唔算太多, 但樣樣精緻, 全部細細件, 可以試哂咁多款。食到尾段, 職員會送上自家制雪糕, 外型精緻, 味道又唔會太甜, 唔錯 ! 就算要等一個月都係值得既。