影片
更多
2022-05-08
280 瀏覽
半島酒店The Lobby (尖沙咀）相信有好多長輩心目中都會有一顆好想去半島酒店嘅心🥰我媽咪都唔例外於是今次我就帶咗佢去尖沙咀半島酒店食下午茶足足提早咗兩個月網上預約下午茶餐$828/兩位+10%首先可以喺好多款名茶之中各人揀選一款如果唔想飲茶嘅都可以飲咖啡我地就試咗兩款香味茶分別係花香同異國香料兩款味道都好香濃香料味同果香味都非常突出而食物方面包括有：❤️2件scone 配士多啤梨果醬同clotted cream鬆餅好鬆軟而且有少少濕潤入口唔會太乾而且有好多提子乾但食一件我已經好足夠因為佢都好大件而味道亦唔算太特別❤️4件咸點-青瓜凍湯配煙燻三文魚同三文魚子味道好夾-青瓜三文治入口勁fresh-雞肉撻配上芒果醬同樣好清新，撻皮都好脆-燒牛肉迷你漢堡就唔太特別❤️4 件甜點-香蕉拖肥撻，朱古力皮超香濃，香蕉餡同拖肥醬味道勁夾，而且好有層次，係我最鍾意嘅一件甜點-蘋果蛋糕嘅蘋果味就唔算突出，反而玉桂忌廉味嘅玉桂味就好突出，略嫌蓋過咗其他嘅味道-檸檬奶油酥餅酸酸味味好開胃-雪梨酒果醬蛋糕我就太飽無食到，但我媽咪就話幾好食😋整體黎講我覺得食物方面味道唔算太特別都係中規中矩賣相亦都唔算特別精緻但份
相信有好多長輩心目中都會有一顆好想去半島酒店嘅心🥰
我媽咪都唔例外
於是今次我就帶咗佢去尖沙咀半島酒店食下午茶
足足提早咗兩個月網上預約
下午茶餐$828/兩位+10%
首先可以喺好多款名茶之中各人揀選一款
如果唔想飲茶嘅都可以飲咖啡
我地就試咗兩款香味茶分別係花香同異國香料
兩款味道都好香濃
香料味同果香味都非常突出
而食物方面包括有：
❤️2件scone 配士多啤梨果醬同clotted cream
鬆餅好鬆軟而且有少少濕潤
入口唔會太乾
而且有好多提子乾
但食一件我已經好足夠
因為佢都好大件
而味道亦唔算太特別
❤️4件咸點
-青瓜凍湯配煙燻三文魚同三文魚子味道好夾
-青瓜三文治入口勁fresh
-雞肉撻配上芒果醬同樣好清新，撻皮都好脆
-燒牛肉迷你漢堡就唔太特別
❤️4 件甜點
-香蕉拖肥撻，朱古力皮超香濃，香蕉餡同拖肥醬味道勁夾，而且好有層次，係我最鍾意嘅一件甜點
-蘋果蛋糕嘅蘋果味就唔算突出，反而玉桂忌廉味嘅玉桂味就好突出，略嫌蓋過咗其他嘅味道
-檸檬奶油酥餅酸酸味味好開胃
-雪梨酒果醬蛋糕我就太飽無食到，但我媽咪就話幾好食😋
整體黎講我覺得食物方面味道唔算太特別
都係中規中矩
賣相亦都唔算特別精緻
但份量就十足每件都大大件
而且環境的確係好古典好高貴同舒適
而枱與枱之間距離都好充裕
服務亦都係一流
帶媽咪去體會一下都係值得嘅☺️
張貼
