影片
更多
2008-04-24
星期日, 一行六人, 中午想去食個tea, 本來去pokka cafe, 但要等位, 咁有人唔想等, 就去左呢間喇. d set 冇乜野揀, 最後叫了兩個96蚊的二人餐, 只係有兩隻青口, 兩片蒜容包, 一堆仔哈蜜瓜絲來配兩片超薄的ham, 幾個魷魚圈, 仲要個魷魚係出奇的薄. 甜品一杯, 好creamy的, 也不知是什麼, 兩杯野飲. 另再叫一碟意粉, 都預左個portion會細的了, 連埋加一, 咁就三百幾, 都唔知食左d 咩落肚, 仲要d 侍應好似好遲鈍咁, 問佢餐飲有冇檸蜜都唔知, 以為佢會去問人啦, 但佢又企番响度, 真吹漲.. 咁少野一陣就食完, 就追d 餐飲, 大大話話再等左10分鐘至有, 杯野仲要得七成滿咋. 大佬呀, 檸茶都要整咁耐, 又唔係多人, 都唔知點做野. 講真, 佢d 格局同咁既服務質素, 收到咁既價錢, 真係上過一次檔睇怕都冇人會去第二次囉. 我睇佢都命不久矣.
張貼