棽粵 (裝修中)

$3xxx/2位既粵菜值唔值呢？食omakase都未必駛呢個價錢，但d野真心好食！先由車打芝士五層乳豬講起，原來乳豬、芝士、啤梨、青瓜同埋多士配搭出出嚟嘅化學作用意想原不到地好，味道口感都十分有層次。另外，好多酒樓都有翅，但呢度嘅生拆蟹肉乾撈翅跟一碗老雞豬骨金華火腿湯又係點呢？味道就係第一口係你去飲宴時候食翅個味道，但係飲得出佢夠足料同埋夠濃郁；蟹肉翅有稍微煎過，所以令佢帶有焦香，空口食或者配搭上湯都唔錯。到上湯澳洲龍蝦🦞，味道合乎預期，好好食而且份量適中，切出嚟嘅尺寸亦都令你食得好輕鬆。咁多樣野入面，反而柚子片皮雞真係打破我對食雞好油膩嘅stereotype，佢d炸子雞片左層皮出嚟，再刮去底部油脂，所以雞皮好似薯片咁脆；手撕雞肉同柚子既開胃又清爽，會令你喺冇飽滯感嘅情況之下樂於迎接下一道菜。另外就係冒著可能會食物敏感而叫嘅鮮淮山浸蘆筍。除咗淮山同蘆筍之外佢仲有少量去皮蕃茄，上湯都係用返嗰個好飲嘅老雞金華火腿，鮮香味美呢四個字去形容就最好不過。其實仲叫咗其他嘢食，但佢哋比起剛才打嘅食物已經係冇咁好食（打字太慢懶打就真)建議大家試吓tea先，因為呢個價錢dinner係要做一做心理建設