火之神

營業中

休息中

🍛夜晚收工又嚟旺角女人街兩邊鋪頭搵嘢食，見到呢間舖頭應該新開冇耐，入面仲有啲貓貓好吸引，就入咗嚟坐低玩貓貓同叫嘢食🐱🐱。🍛入面有成七隻貓貓，大大隻，每隻都有名，啲貓貓仲識主動走上嚟餐枱睇住我哋食嘢添，超得意。🍛我叫咗咖喱豬扒蛋包飯，賣相真係好吸引。豬扒炸到金黃色，大大塊，切開有7件，食落仲好香口鬆脆，豬扒肉好鮮嫩；但係飯就真係好硬，應該要煮腍啲。🍛朋友就叫咗咖喱雞扒飯，雞扒切到細細舊，用嚟點咖喱汁都幾好味，雞扒煮得都幾肉嫩夠腍，正常飯嘅份量唔算太多，如果係男士嘅話，可以選擇多飯。🍛睇餐牌其實仲有好多嘢食，估唔到細細間舖頭都幾多選擇，我哋坐坐吓都好快滿座。