URBAN Cafe (彌敦道)

營業中

休息中

星期六下午同女朋友去一直都想去嘅貓貓cafe, 當然仲要有良心💛💛💛叫左二人餐，餐湯係忌廉粟米湯，同埋有沙律主食叫左西班牙豬肋骨配意粉，同埋溫泉蛋卡邦尼寬條麵。 再加左$25叫一個小食拼盤，係炸雞塊、薯角同脆皮腸。我地每人仲叫左杯飲品呢度啲貓貓數量好多！目測有十幾二十隻每隻都掛有名牌寫住佢地個名餐廳地下非常乾淨，應該係為左保持一個乾淨環境畀貓貓。客人進入前都要著餐廳提供嘅即棄鞋套先入得。貓貓非常不怕生，佢地會不斷穿梭客人嘅腳，又會靜靜地瞓左喺檯櫈底、檯櫈面，就算食緊野佢地都會走埋黎，不過佢地好乖，絕對唔會對我地嘅食物有興趣。客人仲可以用$18向餐廳買一罐貓罐頭，到時就會出現畀貓貓埋沒嘅情況，但記住唔可以隨便餵其他食物畀貓貓。