URBAN Cafe (彌敦道)

營業中

休息中

CP值高的餐廳，這樣一個套餐又飽又滋味❤️🫶🏻煙三文魚意粉意粉硬度適中，醬汁也非常夠，醬汁中也帶有奶油味，這個價錢吃到高級餐廳意粉的質素，推介🥰🫶🏻炸雞新鮮，份量也夠多，整體來說覺得很抵！

鍾意貓貓🐱嘅朋友仔一定要去呢間貓貓朝聖餐廳, 裏面啲貓貓每一隻都好鬼嗲嘅人, 真係唔想走, 佢哋真係好得意又好乖, 隻隻都好好玩😂呢間貓貓餐廳地點又好方便環境又乾淨又舒服, 大人小朋友都一定會好鍾意, 真係超級開心除咗貓貓好得意之外佢哋嘢食同飲品都好出色, 一個午餐都係幾十蚊有交易, 價錢相當親民鍾意貓貓嘅朋友真係好啱去呢度, 去完之後個人都勁開心, 下個月放假我都會再去真係好正🥳👍🏻好期待下個月再去玩多次🤩🤩🤩

黑松露芝士野菌忌廉意大利飯精選餐湯 （南瓜湯）伯爵茶鮮奶煙三文魚凱撒沙律 配餐湯 （南瓜湯）古早冬瓜茶有好多可愛的貓貓，但佢地太貪食，所以人類們要好好保護食物～

想同朋友有食飯之外嘅新體驗？去吓貓Cafe都幾好😍食物高質！可以同貓貓一齊食飯好治癒☺️仲要價錢一啲都唔貴，同可以支持小動物🤩🐟煙三文魚卡邦尼意粉 $78有煙三文魚、煙肉🥓、野菌🍄卡邦尼汁好creamy☺️味道好好！🦐阿根廷紅蝦青醬忌廉意粉 $88個青醬好出色😋味道濃郁，仲好掛汁！紅蝦肥美鮮甜，都幾大隻！佢嘅材料同上一個意粉有啲似😂都有煙肉同野菌😛轉咗個汁個味道就唔同晒，都唔會覺得好重複😋✨升級追加優惠：+$38 餐湯及飲品 （$38或以下/補差價升級其他飲品）🎃南瓜忌廉湯幾creamy，有少少南瓜絲!🍵茉莉綠茶鮮奶(補$14差價，原價$52)☕️意大利焦糖咖啡 (補$10差價，原價$48)🐈可以買罐罐餵貓貓😋好開心

鍾意貓但未有能力養貓，就經常去幫襯貓cafe，urban cafe有好多間分店，旺角彌敦道僑建大廈呢間係規模最細，大有大好，細都有細好，呢間細細地嘅分店有十幾隻可愛嘅貓咪，有隻黑色唐貓最鍾意坐人大髀，著暹羅貓就最鍾意坐喺人哋嘅手袋。試過抱住隻黑貓食曬成餐飯，真搞笑。食物方面同其他分店質素差唔多，款式方面好似有少少唔同，朋友試咗大蝦意粉，十分唔錯，我自己就鍾意食burger，好厚嘅牛肉唔知係咪手打，係好食的，套餐配一個餐湯或沙律，咖啡一般都要加錢。呢間分店細細地，氣氛溫馨，如果唔想人多嘈雜，可以避開荔枝角麗新廣場或兆萬中心嘅分店，嚟呢間彌敦道分店都唔錯。

呢間貓貓Cafe有好多隻貓貓，唔怕人周圍走，有啲好乖會嗲你；有啲就有小小脾氣一見你走過去就走開，好有個性😂入去之前會先消毒同埋著上鞋套，確保場內既衛生，之後就可以入去叫野食同埋玩貓貓啦！野食方面比想像中好食，諗住去得貓貓cafe都係志在玩貓,估唔到食物質素都唔差👍🏻👍🏻

今次去到這間餐廳 見到好多好可愛嘅貓貓 不過遇到好冇禮貌嘅女職員 我坐嗰張枱 兩張凳都坐晒喺貓 我就坐另外嗰張凳 佢話我阻住佢出菜 但如果我唔坐我張凳我坐邊度？ 跟住到我買完單之後離開餐廳 我開唔到門 佢又同我講 鎖咗架 我要開俾你㗎 唔好咁大力推爛對門🥲🥲 咁你做咩唔立即開俾我啊？ 我試咗咁多次開唔到先過嚟開鎖俾我。今次真係遇到態度好差嘅職員 明明貓貓好可愛 嘢食都好好食🐱🩷我都係下次幫襯另外一個地方嘅Urban Cafe❤️❤️

今日行經旺角， 記得朋友超喜歡動物， 所以同她上去旺角兆萬中心一間餐廳分店金地下搭𨋢直上14樓🛗便到， 餐廳佔地幾千呎，，環境保護舒適， 一邊品嘗美食一邊享受看下可愛貓咪🐱活動， 去貓貓區域參觀 摸摸貓咪🐱，心情感到治癒，🤩感覺實在另一番風味！和風鰻魚薄餅鰻魚粒粒咬口豐富，醬汁搭配香濃！甜蜜喜歡窩夫🧇配上雪糕🍦朱古力🍫味窩夫🧇脆香軟滑， 滋味滿足！Urban cafe 📍 旺角西洋菜南街1N號兆萬中心14樓

第一次帶小朋友去貓Cafe🐱Cafe唔算好大，除左餐枱外，中間預留左足夠空間俾貓貓走動🐈有d貓貓好social，主動跳上黎搵你玩，趴係隔離望住你食野，有d貓貓就好乖乖係休息區瞓覺💤🌟Pasta 意大利飯 同Pizza 🍕🌟Cappuccino / Latte食物同咖啡黎講一般啦但呢度主要賣點係貓貓🐱價錢唔貴，食野之餘有貓貓陪食又可以俾小朋友接觸小動物係一次好好嘅體驗✨好啱一家大細黎~小朋友一定玩得好開心👍🏻

因為朋友好喜歡貓貓，而之前有食過呢間，都覺得味道不錯，所以再帶朋友去，但menu 好似吾同左，叫左burger ，同兩個意粉！意粉味道普通，burger比較好味，－路食仲可以－路同貓咪互動

食物質素普通我覺得另外一間旺角店好食啲，最差係女職員態度，成班人好似淨係識得玩貓，唔serve客，尤其你有小朋友，簡直貼錢買難受，明明貓貓休息區我哋只係用隻眼望吓，跟住佢就咁敲個牌😒叫你唔好再打擾啲貓，一係你就禁18下唔比入啦，一啲尊重都冇…希望成班人繼續喺入邊玩貓玩成世啦下

呢間係我食過最鍾意嘅Cafe，因為我真係太鍾意佢哋嘅雪山心太軟，勁流心，熱辣辣，啱晒朱古力控既我！ 真心正！ 不過佢哋呢度嘅主食都好好味，選擇又多！ 同埋環境又夠大夠企理！ 絕對會二訪

#Urbancafe mongkok#兆萬中心14樓今日又再次去旺角分店 為咗貓又為咗食下午茶時段 叫個餐就可以同貓貓聚下 太好嘞可樂（罐裝另跟冰杯上）榛子朱古力炸雞翼 😋（脆口惹味）夏威夷pizza 芝士薯條可能係平日關係 人唔算多貓貓好精神 隻隻都係度巡舖😊難得人少少 一於餵下貓貓啦温𧅥提示：食完嘢職員清理曬枱面先可以餵貓貓 （每枱只可order一種食糧 乾或濕糧）阿女學校適應週放早咁高興呢round我嘅俾貓包圍 實在太正🥰🥰

身邊有好多朋友都係貓奴，但本人就因為某些原因未能養貓，間唔中都想同貓貓玩下，貓Cafe就啱曬我，有得同朋友聚舊之餘又可以體驗做貓奴，好療癒。隻隻貓貓都好健康好可愛。-青咖喱忌廉青口 $88.00擺盤好有心思，將大大隻又飽滿嘅青口擺放成花花嘅形狀，蘸上濃濃嘅忌廉，加咗忌廉嘅青咖哩更濃稠，裡面亦有車厘茄、番茄、洋蔥，令整個汁更鮮甜。-煙三文魚芝士墨西哥餅 $78.00烘到啱啱好嘅墨西哥薄餅，煙煙韌韌，夾住充滿三文魚油香嘅Smoke Salmon同芝士鹹香，勁夾！好多食嘅Quesadilla!-菲力牛柳配黑松露燒汁配薯菜 $188.00牛柳勁厚勁多肉汁，而且非常嫩，配埋黑松露燒汁一齊食，好香！-大啡菇安格斯牛肉手工漢堡配薯角 $128.00漢堡包包面烙左Urban 個貓貓Logo,，型得嚟又夠cute。安格斯牛肉個牛味好出，同大啡菇呢啲搶味嘅食材一齊食，完全唔會被蓋過，相映成趣！-墨魚汁海鮮野菌意大利飯 $128.00墨魚汁雖然黑孖孖，營養卻非常豐富。自己唔會整墨魚汁嘅Dish，所以如果出去食，間餐廳有墨魚汁嘅話都必定會叫。Risotto 好有咬口，粒粒都被墨汁包住，啲海鮮亦好新鮮！
-白桃

入門口前要着一次性鞋套&消毒雙手，一入去就已經見到有啲🐱反肚瞓喺門口附近🤭，咁啱我哋坐嗰個位已經有隻🐱瞓喺枱🥰，全部🐱都好活潑&好親人，會主動行過嚟俾我哋任摸唔嬲☺️雖然唔知道啲🐱嘅由來&大部分係名種🐱，而且聽講3間分店都有20隻或以上嘅🐱，但見到啲🐱都好乾淨連眼屎都無，就證明職員有用心照顧👍🏻📌要提前喺inline app預約時間 (3間分店)；📌假日最低消費: 💲100/位；📌如果想喂貓罐罐(💲16)，要用膳完畢&清潔枱面🔸唐揚雞塊💲58熱辣辣外脆內軟幾好食，肉質就好似麥樂雞🔸菠蘿荔枝梳打 🍍💲43菠蘿&荔枝好夾，甜度適中，但太多冰 隔咗半個鐘啲冰溶咗大部分，成杯梳打變得淡而無味，好似水咁🥲建議大家半個鐘內飲晒佢🔸Oreo脆脆朱古力沙冰 🍧💲62朱古力味濃郁但無乜oreo味，而且偏甜🔸白桃乳酪沙冰 🍑💲59口感清甜順滑好creamy，入口即化，好啱夏天消暑，但建議大家揀返少甜。由於含有較高嘅乳酪&糖分，有乳糖不耐症&糖尿病嘅人需要謹慎食用✍🏻: 星期六日及公眾假期 繁忙時段入場或用餐時間全日1.5小時；非繁忙時間不限時。我哋下晝4點28分入座，嗌完嘢飲隔咗一個鐘都無就想再落order