URBAN Cafe (彌敦道)

營業中

休息中

平時係屋企照顧兩隻主子唔夠，今次靜靜雞偷走出嚟去咗位於旺角嘅Urban Cafe ，享受下比幾十隻可愛貓貓圍住食嘢嘅幸福感🥰。Cafe 有多款食物選擇，而且仲冇額外收入場費。各式各樣嘅貓貓陪你玩，而且好親近唔怕人同朋友直接order 左四人餐，懶得諗😚是日餐湯、沙律、餐茶🐟挪威煙三文魚拉絲水牛芝士手工薄餅🍕煙三魚嘅咸鮮撘配埋芝士拉絲真係好享受，而且手工薄餅亦都烤得脆口，加分👍🏼🐂鹽燒厚切牛舌番茄羅勒芝士闊條麵牛舌好冧而且帶少少咸，配上微酸甜的番茄醬意粉🍝，好開胃。🌳意式青醬忌廉海鮮野菌扁意粉蜆肉份量非常多，意粉掛滿青醬羅勒香。啖啖濃郁又滿足。🐷西班牙黑毛豬肋骨配闊條麵豬肋骨size 都幾大，足足切到六大條。而且極腍完全唔黐骨！🍦雪糕心太軟兩款口味選擇（朱古力/抹茶），一划開啲流心漿出晒嚟，配埋雪糕同Cream 食，正呀～貓奴嘅大家絕對唔好錯過呢個Cafe，一齊享受下比主子圍攻嘅幸福感。仲可以即場買下罐罐餵下佢哋🥳，不過千祈唔好比屋企個主子知呀😝，一陣呷醋。