影片
更多
2020-07-02
1926 瀏覽
💛大量🐱🐱圖，慎入💛最近一放假, 天氣就麻麻地, 冇咩地方好去, 我地又去左搵cafe玩, 今次介紹呢間良心貓cafe仲要連續2星期去左2次😆😆 入店前, 先要踏腳入門口部鞋機, 會自動有膠袋套住隻鞋, 幾衛生, 又唔驚踩到細菌比貓貓唔小心lam左🙏🏻店內Keep住播放港台頭條新聞節目, 整間店都係貓貓嘅活動空間, 有好多隻肥嘟嘟嘅貓貓玩/ 被玩, 一入到去就有好多貓貓歡迎你, 有D仲趴係你食野張台到訓😂 仲要隔一陣又轉個pose再訓XD 完全進入無人之境🤣, 部份貓貓都任摸唔嬲, 有D仲跳上餐枱陪食, 望住佢地食野都特別治癒!☺️野食方面, 一次過同大家分享返2次食嘅野, 有選擇困難症嘅人最岩揀食2人餐, 2個主食仲連前菜沙律、餐湯同飲品各2份, 3百蚊有找仲有貓玩, 勁抵呀!👍🏻前菜係菠蘿沙律, 是日餐湯南瓜忌廉湯, 好香濃, 仲食到南瓜絲, 一D都唔馬虎嫁👍🏻主食先揀左"溫泉蛋煙肉野菌配卡邦尼扁意粉", 黏度岩岩好又唔膩, 意粉軟硬度適中, 芝士醬汁加香滑蛋醬好濃郁, 溫泉蛋好通透, 吉穿佢同卡邦尼汁混合更好食🤤 配有大量蘑菇同煙肉好足料! 超推介呀!另一主食就點左"巴馬火腿拉絲水
入店前, 先要踏腳入門口部鞋機, 會自動有膠袋套住隻鞋, 幾衛生, 又唔驚踩到細菌比貓貓唔小心lam左🙏🏻
店內Keep住播放港台頭條新聞節目, 整間店都係貓貓嘅活動空間, 有好多隻肥嘟嘟嘅貓貓玩/ 被玩, 一入到去就有好多貓貓歡迎你, 有D仲趴係你食野張台到訓😂
仲要隔一陣又轉個pose再訓XD 完全進入無人之境🤣, 部份貓貓都任摸唔嬲, 有D仲跳上餐枱陪食, 望住佢地食野都特別治癒!☺️
溫泉蛋煙肉野菌配卡邦尼扁意粉
28 瀏覽
1 讚好
0 留言
野食方面, 一次過同大家分享返2次食嘅野, 有選擇困難症嘅人最岩揀食2人餐, 2個主食仲連前菜沙律、餐湯同飲品各2份, 3百蚊有找仲有貓玩, 勁抵呀!👍🏻
前菜係菠蘿沙律, 是日餐湯南瓜忌廉湯, 好香濃, 仲食到南瓜絲, 一D都唔馬虎嫁👍🏻
主食先揀左"溫泉蛋煙肉野菌配卡邦尼扁意粉", 黏度岩岩好又唔膩, 意粉軟硬度適中, 芝士醬汁加香滑蛋醬好濃郁,
溫泉蛋好通透, 吉穿佢同卡邦尼汁混合更好食🤤 配有大量蘑菇同煙肉好足料! 超推介呀!
巴馬火腿拉絲水牛芝士手工薄餅
23 瀏覽
1 讚好
0 留言
另一主食就點左"巴馬火腿拉絲水牛芝士手工薄餅", 餅底香脆得黎又鬆軟, 水牛芝士做到拉絲效果, 芝味突出, 但Parma Ham份量就較少~
滋味小食拼盤
25 瀏覽
1 讚好
0 留言
小食拼盤係我地第2次去單點的, 一共有四款小食 (雞翼, 唐揚雞塊, 唐揚雞塊, 法蘭克福腸),
幾香口但唔太特別, 有少少炸過龍, 唔建議單點, 但如果點套餐可以+$28有2人小食拼盤, 只係冇左雞翼, 其他都齊, 相當抵呀!🤤
🥤飲品方面, 套餐包$38或以下餐飲補差價, 我地點左"Oreo脆脆特濃凍朱古力", 朱古力控一定要試, 唔算太甜, 有滿滿碎朱古力同oreo脆脆, 飲完一啖又一啖XD🤤
🍵另外抹茶控嘅我地點少得叫左杯抹茶latte, 但就有少少失望, 飲落仲有抹茶粉沖唔開甘, 同唔太濃味, 可能係抹茶控嘅執著要求太高掛~
金文不芝士挪威煙三文魚意大利黑醋沙律
$68
25 瀏覽
1 讚好
0 留言
第2次去仲點左"金文不芝士挪威煙三文魚意大利黑醋沙律", 份量好足, 煙三文魚幾新鮮, 仲有豆腐乾, 配上了沙律醋, 好開胃!
🔸2人餐 ($278): 連前菜沙律,餐湯同飲品各2份
❗️P.S: 就算疫情期都keep好多人, 想去朋友最好提早訂位, 或去前打去問下仲有冇位啦~ 星期六/日/公眾假期最低消費$100/人, 餐廳用餐時間90分鐘, 又要食又要玩貓貓同影相, 真係幾充實下XD😂 所以短時間內已去左2次XD😌 不過餐廳坐位有d逼, 如果闊落少少會更好~
張貼
