影片
更多
2018-01-20
65 瀏覽
昨日傍晚入元朗探朋友，可惜朋友未返到屋企，我唯有向佢屋企乎近周圍行下，個肚古古古好餓，見到X姐蠔餅又怕油，見到X仔甜品又唔俾客坐得耐，轉入條街仔見到間幾大嘅舖頭，個名好得意，名不其實，士多唔賣士多嘢係賣車仔麵，後來至知呢間永年士多看似光光鮮鮮，原來年紀大過多㗎，只係近年全面裝修過，至變左依家咁摩登，以前佢哋真係做士多，後來賣埋滷水嘢，D滷水出衆，慢慢演變成依家嘅車仔麵檔我望左兩望，越嚟越多人排隊，我唔理咁多又排上去，叫左時菜冬菇豆卜蘿蔔米粉，個收銀姐姐一見我咁落，問我係唔係食齋㗎？要唔要我幫你走豬腸汁？我其實都消化未到咩叫豬腸汁，我本能有兩個，第一唔好執輸，因為咁特別一定係招牌野，第二原來我自己都唔發覺我叫齋左，所以我後多加韭菜餃；碗米一到手，第一啖飲湯，哦⋯⋯我明白咩叫豬腸汁，成碗湯有好濃嘅豬大腸嘅香味，令到我碗素米一啲都唔齋，我最鍾意個韭菜餃，入邊好多韭菜，韭菜多過肉至稱得上韭菜餃㗎嘛。不得不提樽奶茶，好掂，飲到茶味，甜度啱啱好
我望左兩望，越嚟越多人排隊，我唔理咁多又排上去，叫左時菜冬菇豆卜蘿蔔米粉，個收銀姐姐一見我咁落，問我係唔係食齋㗎？要唔要我幫你走豬腸汁？我其實都消化未到咩叫豬腸汁，我本能有兩個，第一唔好執輸，因為咁特別一定係招牌野，第二原來我自己都唔發覺我叫齋左，所以我後多加韭菜餃；碗米一到手，第一啖飲湯，哦⋯⋯我明白咩叫豬腸汁，成碗湯有好濃嘅豬大腸嘅香味，令到我碗素米一啲都唔齋，我最鍾意個韭菜餃，入邊好多韭菜，韭菜多過肉至稱得上韭菜餃㗎嘛。
不得不提樽奶茶，好掂，飲到茶味，甜度啱啱好
張貼
