曲奇四重奏 (V City) (已結業)

是日係初七人日又係情人節 豬先生送上一盒曲奇四重奏嘅蝴蝶酥心心眼 不過呢 係買比豬小姐媽媽嘅 係其中一樣上尼拜年嘅賀禮好彩豬小姐都有禮物收姐 雖然話買比媽媽姐 但一於少理照食！題外話太多 入番正題先 尼盒叫''雜錦酥盒'' 鐵罐係薰衣草紫 好靚靚 平實高貴 裏面有本書仔介紹下店鋪嘅產品同地址等等嘅一共有四隻唔同味嘅蝴蝶酥 包括原味 黃金亞麻籽 黑白芝麻 椰絲芝麻味 加上兩款酥條 玉桂及杏仁味 其實本身食開嘅原味蝴蝶酥已經覺得好出色 係數一數二咁好味 今次嘅尼盒仲成四隻味加兩隻酥條 一盒滿足哂試六隻味嘅願望 呀！ 蓋一開 即索到濃郁嘅牛油味 攞左塊原味食 依然美味 金黃嘅佢酥皮好薄 咬落口感酥脆 感覺好有層次 到黃金亞麻籽味啦 其實食落幾似芝麻味 味道唔算太特別 不過亞麻籽係好健康嘅用料 食多啲無妨呀 再試下黑白芝麻味 上面加左果皮蓉 芝麻嘅香口同果皮蓉嘅清新 配撘唔錯 而椰絲芝麻味係用上最多餡料嘅一隻 亦係最甜嘅一隻 椰絲香甜 芝麻潤香 但真係偏甜呢 豬小姐人最喜歡黑白芝麻味 層次分明又可口 媽媽就覺得亞麻籽幾唔錯啦 甜度剛好 味道夠天然兩款酥條一樣得形狀好似百力滋咁 好過癮 玉桂酥條