嘉樂冰廳 (U PLACE) (已結業)

媽媽今日約咗朋友去土瓜灣飲茶。咁我當然車佢去啦。順便同家姐去搵吓食，泊低架車行咗去呢間家樂冰室，見裝修得幾特別、幾舒服，就人去試吓啦。等咗大約10分鐘有位，座位相隔寬闊、幾舒服，裝修幾靚。睇完餐牌正打算落單，夥計話要自己用QR code電話落單，是但啦，咪照做囉。落完單之後，等咗幾分鐘伙記走來已經走過來話蕃茄濃湯賣晒啦。吓！？咁奇怪常餐仲有蕃茄濃湯吉列豬扒面，反而早餐已經賣晒蕃茄濃湯。唔緊要啦，咪改清湯囉！食物好快嚟到啦，炒蛋正常、多士正常香脆，塊豬扒都幾大塊，清湯公仔麵湯偏淡，加番啲胡椒粉先夠味。反而塊豬扒幾好食，醃得入味，份量又夠。檸檬茶中規中矩，特別係可以選擇龍啲淡啲，再講下服務，叫伙記哥哥要杯水，但係好耐都冇攞嚟，好明顯係唔記得咗。食完野去個洗手間，返嚟家姐話隔離枱嗰啲人等咗好耐都未有嘢食呀。再望望係喎真係喎，明明係同我哋差唔多入嚟我都食完去完廁所，嗰啲嘢都未到。眼見前後都有三台客因為嘢食未到走咗。咁我哋真係好彩，啲嘢食咁快就到。