德國餐廳 (博文街) (已結業)

同同事收工之後係大角咀搵左間餐廳食，然後見到有徳國餐廳，所以就試下，可以食晚餐，又可以飲下啤酒傾下計。🥰🥰入到去雖然地方唔算大，但好有格調，好似德國既小餐廳咁。坐底之後，首先一定要嗌徳國豬手！😍上左菜之後，原本以為要自己原隻切開佢！點知原來己經切好哂🤤🤤🤤！好貼心豬手層皮真係烤得岩岩好！脆卜卜既🤤🤤！啲肉既味道都好夠，其實唔洗點醬都夠味！但我地又想試試個醬喎，佢有2款醬，一款酸酸地甜甜地幾特別，配埋豬手都幾夾。☺☺另外一款就係醬係黃芥末。然後當然豬手配啤酒，哩間餐廳竟然有Hoegaarden rosee！😍😍😍一跟食豬手一路飲啤酒都幾正，有種收工就要懂得享受生活既感覺！😂然後我地仲有嗌卡邦尼意粉，墨西哥香蔥芝士薄餅同埋一份美國頂級黑安格斯肉眼扒。肉眼扒叫左7成熟！切落去有小小血絲，肉質都幾嫩，好有咬口😍卡邦尼意粉嗌完之後有小小後悔，因為好大碟，3個人都食唔曬，覺得好浪費☹️下次都唔敢眼闊肚窄☹️☹️