燒洒一族 (TKO Gateway東翼)

營業中

休息中

好味指數😋😋😋回頭指數 ⭐️⭐️⭐️開心指數🤗🤗🤗好多人都話呢間店嘅豬手好正，當然要試吓啦！咁單單買一隻豬手唔夠，就試多咗一個飯。🍴招牌德國燒豬手（$98）因為係一出爐就買，所以非常熱辣辣。打開之後都真係幾大隻，配以一包酸菜同埋一包蜜糖芥末醬，咬落去個豬手皮好脆，鹹香味十足，肉質唔錯，亦都非常入味，好正！🍴醬燒豬肋骨飯（$35）+香辣蜜味烤雞脾（$18）豬肋骨飯得3舊豬肋骨，當然$35 嚟講我唔話得佢少餸嘅，一分錢一分貨。豬肋骨個汁係幾好味，可惜唔夠入味，得個面有味，仲要D 肉煮得唔離骨，非常難咬開。講返個飯，係世一咁難食❌️，唔係好識形容，非常硬同乾但又一餅嘢咁，我本身都鍾意食硬嘅飯，粒粒分明有咬口，但呢個真係好唔掂！好彩嘅係加咗$18要隻辣雞脾，一來咁先夠餸，二來佢嘅香辣味好惹味亦都好入味，雞肉都好嫩滑，係好味嘅。