影片
更多
2017-05-13
798 瀏覽
約了友人來太子碰面，稍作短聚，細訴生活近況。正在煩惱該吃甚麼，路經這間《永興冰室》，見門外排了一條長長的人龍，走近八吓，原來是來買麵包、蛋撻的，反正晚飯還沒有著落，就一於在這裡開餐。拉門內進，嘩！果然旺場，入面幾乎全場爆滿，只剩下搭檯位，看來這間茶記應該有一定嘅實力。拿起桌上的幾份餐牌，有中式晚餐、冰室常餐、湯粉、炒粉麵飯同埋 5 款餐廳嘅全日推介。見鄰桌兩個女生，人仔細細，竟然每人點咗一個洗版指數頗高的多士盒，食力果然驚人，絕不能少看。諗起上嚟，其實筆者也很久沒吃過咖喱雞飯，就一於跟風點客咖喱雞飯多士盒試試。多士盒跟一客色澤誘人的羅宋湯，餐湯上桌時仍熱辣辣，舀起一看，用料絕不欺場，有番茄、椰菜、紅蘿蔔、青椒等，嘗一口，鮮味濃郁，酸中帶甜，而且火喉十足，非常醒胃。焗咖喱雞飯多士盒 ($68)，多士盒 Size 非常巨形，約有 4 吋，成塊磚頭咁高，拿起刀叉嘗試切開，原來要用些力水，真的少點氣力也不行，幸好友人肯仗義幫忙。切開後一看，原來廚師要先掏空整個厚多士，然後將大大份嘅咖喱雞飯放進去，再拿去焗。先嘗一口咖喱醬汁，味道好濃，非常惹味，而且面頭的芝士舀起時還有拉絲效果，味道唔錯。至於咖
約了友人來太子碰面，稍作短聚，細訴生活近況。正在煩惱該吃甚麼，路經這間《永興冰室》，見門外排了一條長長的人龍，走近八吓，原來是來買麵包、蛋撻的，反正晚飯還沒有著落，就一於在這裡開餐。拉門內進，嘩！果然旺場，入面幾乎全場爆滿，只剩下搭檯位，看來這間茶記應該有一定嘅實力。
拿起桌上的幾份餐牌，有中式晚餐、冰室常餐、湯粉、炒粉麵飯同埋 5 款餐廳嘅全日推介。見鄰桌兩個女生，人仔細細，竟然每人點咗一個洗版指數頗高的多士盒，食力果然驚人，絕不能少看。諗起上嚟，其實筆者也很久沒吃過咖喱雞飯，就一於跟風點客咖喱雞飯多士盒試試。
多士盒跟一客色澤誘人的羅宋湯，餐湯上桌時仍熱辣辣，舀起一看，用料絕不欺場，有番茄、椰菜、紅蘿蔔、青椒等，嘗一口，鮮味濃郁，酸中帶甜，而且火喉十足，非常醒胃。
焗咖喱雞飯多士盒 ($68)，多士盒 Size 非常巨形，約有 4 吋，成塊磚頭咁高，拿起刀叉嘗試切開，原來要用些力水，真的少點氣力也不行，幸好友人肯仗義幫忙。切開後一看，原來廚師要先掏空整個厚多士，然後將大大份嘅咖喱雞飯放進去，再拿去焗。先嘗一口咖喱醬汁，味道好濃，非常惹味，而且面頭的芝士舀起時還有拉絲效果，味道唔錯。至於咖喱雞，廚師很細心，烹調前已經預先將雞切成一件件，啖啖肉，方便客人享用；厚多士方面，外層咬下好脆，口感特別，不過如果自問係細食嘅朋友，真的要多叫幾個豬朋狗友嚟幫口，因為個多士盒的確相當飽肚。
友人嗜牛，選了煎美國安格斯牛扒 ($168)，吓，喺茶餐廳以咁嘅價錢食牛扒，初頭真的有點懷疑友人的抉擇。牛扒可以揀配炒飯或意粉，牛扒即烤即煎，上碟時還熱騰騰。友人非常客氣，切開後，先讓我品嘗，牛扒外層雖然煎得唔算好焦香，但水準比預期高，入口粉嫩帶肉汁，而且富油份，伴 Steak Sauce 吃，更可提升肉味。意粉質素亦不俗，有咬口，咀嚼時更可感受到意粉的煙韌。
飲品點咗紅豆冰 (+$25) 同凍檸茶 (+$12)，紅豆雖然無起沙，但食落香甜軟腍，食得出唔係現成貨；而凍檸茶據說亦甜度適中，入口透心涼又解渴。
張貼
