影片
更多
2005-07-19
18 瀏覽
第九回——粵菜服務慇勤氣派顯點心小菜極普通舊同事生日﹐我原本是約他去四樓的Red 吃午飯的﹐但前個Friday Night至去完Dinner﹐便試試這家。我都算唔話得了﹐他去了IFC工作﹐我就萬水千山在三十幾度高溫近乎沙漠的環境下徒步走到這裡來。接待處甚有氣派﹐昏黃的水晶燈高高掛起﹐圓形的接待櫃位一共站了四個服務生。我用了我真正的姓氏訂位﹐佢竟然重問我的Initial。喂﹐我個姓(個性) 咁特別﹐重駛唔駛問呀﹐我估唔會有人咁易同我撞掛﹖差不多所有二人座位都安排了可坐四人的圓桌﹐很鬆動和舒適。樓底甚高﹐但窗口位只有十來尺左右﹐令到室內昏昏暗暗的。我地各叫了幾個點心﹐包括一人用的晶瑩蝦餃皇各一($36一隻)、桂花蚌貢菜餃($36)、鮮腐皮松子卷($30)、高湯浸莧菜($98)、鰻魚炒飯($108) ﹐同埋一杯好清涼的夏日特飲($30)。侍應好有心﹐話幫我地將個飯最後上﹐亦來派自己的名片比我地。先嚐點心﹐貢菜餃和松子腐皮卷吃起來沒有什麼特別﹐特別之處可能是它的配搭﹐桂花蚌混合貢菜﹐吃起來比蝦肉爽口和彈牙﹐而腐皮卷裡面則包著松子﹐味道幾清新﹐而一般較少機會可以吃到松子。至於要36元一隻的蝦餃皇
服務慇勤氣派顯
點心小菜極普通
舊同事生日﹐我原本是約他去四樓的Red 吃午飯的﹐但前個Friday Night至去完Dinner﹐便試試這家。我都算唔話得了﹐他去了IFC工作﹐我就萬水千山在三十幾度高溫近乎沙漠的環境下徒步走到這裡來。
接待處甚有氣派﹐昏黃的水晶燈高高掛起﹐圓形的接待櫃位一共站了四個服務生。我用了我真正的姓氏訂位﹐佢竟然重問我的Initial。喂﹐我個姓(個性) 咁特別﹐重駛唔駛問呀﹐我估唔會有人咁易同我撞掛﹖
差不多所有二人座位都安排了可坐四人的圓桌﹐很鬆動和舒適。樓底甚高﹐但窗口位只有十來尺左右﹐令到室內昏昏暗暗的。
我地各叫了幾個點心﹐包括一人用的晶瑩蝦餃皇各一($36一隻)、桂花蚌貢菜餃($36)、鮮腐皮松子卷($30)、高湯浸莧菜($98)、鰻魚炒飯($108) ﹐同埋一杯好清涼的夏日特飲($30)。
侍應好有心﹐話幫我地將個飯最後上﹐亦來派自己的名片比我地。
先嚐點心﹐貢菜餃和松子腐皮卷吃起來沒有什麼特別﹐特別之處可能是它的配搭﹐桂花蚌混合貢菜﹐吃起來比蝦肉爽口和彈牙﹐而腐皮卷裡面則包著松子﹐味道幾清新﹐而一般較少機會可以吃到松子。至於要36元一隻的蝦餃皇(見圖)就非常普通了﹐它的買點都只是大隻而已﹐但論口感和質素﹐遠比小巧的蝦餃為差﹐而且我嚐到非常多醃料的味道﹐完完全全將蝦的鮮味都蓋過了。
總括而言﹐點心很普通﹐沒有任何特別出眾之處。
至於莧菜和鰻魚炒飯﹐就相當大碟﹐四個人都夠食﹐前者選料新鮮﹐煮得夠腍﹐後者就略嫌炒得太過乾身﹐好在鹹淡適中﹐但上檯時都已經凍了。
呢間食肆稱自己做Best of Canton﹐我想離最佳廣東菜﹐還有一大段距離呢。
埋單竟然是四條四﹐$444.4﹐真係好意頭。不過無論幾錢﹐今餐都係我請﹗
智慧分享﹕「專注此刻﹐活在當下。」
張貼
