影片
更多
2021-06-10
2874 瀏覽
A同事升職請食飯，終於等到變返4人一枱。B同事提議食呢間，佢食過好好食之餘，仲有機會見到明星架🤣Happy Friday 準時收工仆去食餐豪既。一去到門口會上一條樓梯。側邊櫃放咗啲鮑參翅肚做裝飾，去到大廳，有啲昏暗。放滿左字畫古董，有啲似喺藝術館到食飯。即刻個人都書卷左。一座低會比條熱毛巾你抹手，上餐前小食。有由潮州黎既蜜柑，同手工花生酥。食咩就由食過呢間餐廳既B同事發辦。先黎個蜜汁紅薯🍠好彩早黎，如果唔係都無得食。要訂架🤭蕃薯好橙色，蜜味重同甜👍店員推介呢個椒香鮑魚，食得出新鮮鮑魚味，唔un，爽口，但椒粒有啲辣，但好惹味，o係甘食！B同事推介既黃金脆帶魚。好鬆脆，乾身唔油膩。食落好鬆軟，但筷子唔會一夾就散。好好味！店員另一推介秘製燻鯧魚。同上面碟魚一樣有脆既口感。但有啲煙熏味。仲多左個甜甜地既汁。要預先訂定既片皮鴨！由師傅親自操刀！先切最肥美屁股部份(左下角圖)。得幾片乍，比我地品嚐！油脂感滿滿！但又脆口。好邪惡吖！但我略嫌塊餅皮有啲厚！佢伴碟既薄荷葉原來食得，仲可以解油膩感！一般出面都會比蜜瓜條做配料夾係入面一齊食，但今次呢個係山楂條。夾落去食又幾配。個鴨殼我哋加左錢做椒鹽。送酒一
Happy Friday 準時收工仆去食餐豪既。一去到門口會上一條樓梯。側邊櫃放咗啲鮑參翅肚做裝飾，去到大廳，有啲昏暗。放滿左字畫古董，有啲似喺藝術館到食飯。即刻個人都書卷左。
一座低會比條熱毛巾你抹手，上餐前小食。有由潮州黎既蜜柑，同手工花生酥。食咩就由食過呢間餐廳既B同事發辦。
餐前水果花生酥小食
$38
85 瀏覽
0 讚好
0 留言
先黎個蜜汁紅薯🍠好彩早黎，如果唔係都無得食。要訂架🤭蕃薯好橙色，蜜味重同甜👍
蜜汁紅薯
$128
114 瀏覽
2 讚好
0 留言
店員推介呢個椒香鮑魚，食得出新鮮鮑魚味，唔un，爽口，但椒粒有啲辣，但好惹味，o係甘食！
椒香鮑魚
$388
128 瀏覽
1 讚好
0 留言
B同事推介既黃金脆帶魚。好鬆脆，乾身唔油膩。食落好鬆軟，但筷子唔會一夾就散。好好味！
黃金脆帶魚半份
$299
150 瀏覽
0 讚好
0 留言
店員另一推介秘製燻鯧魚。同上面碟魚一樣有脆既口感。但有啲煙熏味。仲多左個甜甜地既汁。
秘製燻鯧魚
$368
139 瀏覽
0 讚好
0 留言
要預先訂定既片皮鴨！由師傅親自操刀！先切最肥美屁股部份(左下角圖)。得幾片乍，比我地品嚐！油脂感滿滿！但又脆口。好邪惡吖！但我略嫌塊餅皮有啲厚！佢伴碟既薄荷葉原來食得，仲可以解油膩感！一般出面都會比蜜瓜條做配料夾係入面一齊食，但今次呢個係山楂條。夾落去食又幾配。
北京烤鴨
$798
201 瀏覽
0 讚好
0 留言
個鴨殼我哋加左錢做椒鹽。送酒一流，但最後好飽食唔晒打包。
椒鹽鴨殻
$120
127 瀏覽
0 讚好
0 留言
刀板香藏木耳鹽滷豆腐，又係店員推介招牌菜！ 店員解話個豆腐係佢地自己做既。做法係無用石膏粉，而係用鹽滷做！食落口質感有啲似臭豆腐，仲有煙熏味。
刀板香藏木耳鹽滷豆腐
$268
117 瀏覽
0 讚好
0 留言
沙蒜豆麵係睇openrice 睇好多人叫，我地又試下先。店員話薯粉加左海葵落去。個感覺有啲似燴意粉個質地。好好食。我地好飽但都食曬。
沙蒜豆麵
$368
98 瀏覽
0 讚好
0 留言
見無叫菜，就叫家燒浦瓜。因為唔知係咪嚟，所以試下。個浦瓜係清，同爽口既。
家燒蒲瓜
$128
95 瀏覽
0 讚好
0 留言
成日話女士食甜品係有另外一個胃。我信！4條友食9樣嘢都仲可以食第十樣。就係呢個紅糖麻糍，劃上呢餐完美的句號。
外脆內軟。炸得恰到好處！卷住啲紅糖，呢個我真心推介！點都要食！食十件都得吖！
紅糖麻糍
$68
133 瀏覽
0 讚好
0 留言
真係多謝同事介紹同請食飯既同事😎埋單要三千四。仲有冇機會再食呢🙃
張貼
