萬丸鐵板燒

營業中

休息中

豐富鐵板燒晚餐，推薦鹿兒島白豚梅頭～～～如果冇記錯的話，對上一次食鐵板燒係差不多六七年前喺台灣食嘅。因為香港真係唔多鐵板燒嘅舖頭，所以難得見到，就算離屋企幾遠，收工都忍唔住特登過去試一試。～～～佢哋有兩款晚市套餐，由於同行嘅朋友唔食牛肉嘅關係，我哋就揀咗較平嘅個款。～～～🥢套餐裏面一共包含九樣嘢，日本凍豆腐、味噌湯、燒生蠔、燒鯖魚同埋炒椰菜都係必有嘅。當中燒生蠔嘅味道非常濃郁，海水味突出，用料幾靚。鯖魚就大大條好抵食，用鐵板燒完之後外脆內嫩，魚皮酥酥地。海鮮方面可以揀海老或者日本帶子，個人就揀咗後者，大粒又鮮甜，不錯。～～～肉類方面有六款選擇，有魚有牛有豬有雞，我哋就揀咗🇯🇵日本鹿兒島白豚梅頭。靚嘅豬果然係有料到嘅，豬肉味非常濃郁，雖然係梅頭，但係食落去唔會好重脂肪感，同時卻又保留肉脂味。～～～另一個主菜就可以3選一，同樣有牛有雞有珠我哋就揀咗鹽燒秋葵豚肉卷，🐷豚肉半肥瘦，加埋爽脆秋葵，味道不錯，不過鹿兒島白豚梅頭就更令人印象深刻。～～～最後嘅蔥花蛋炒飯你想像中有驚喜。加入紅椒 、洋蔥、蔥、醬油等等調味，食落味道豐富，唔知點解佢哋用嘅🧅洋蔥分外香甜，本身唔食洋蔥嘅我都覺得好好食。～～～