萬丸鐵板燒

營業中

休息中

無意之中在太古Aeon超市隔離foodcourt搵到呢間鐵板燒，見menu都種煩不少，即官試試今日點了最普通的牛肉金菇卷和牛舌兩個餐，還加了$30多要一個炒雜菜（來到只是油麥菜）😅牛肉卷和牛舌都好味，只是油麥菜令我們有點失望

今日公司係太古training，午飯時間經過Aeon見到呢度鐵板燒店全場滿座，午餐set around$80-90, 套餐有至少10款選擇，價錢好吸引於是就排隊試下。餐廳既位全部都係bar枱位，可以直接見到廚師係鐵板上炒肉，完全係即叫即整，由於廚師只係係其中一塊鐵板上炒肉，因此不會好大油煙，亦不會覺等熱。今日我就叫左個鹽燒香葱薄切牛舌套餐，$88包前菜沙律，日式湯同白飯一碗，份量亦大份，CP值👍，完全係夠兩人食既份量。

第一次在這店舖用晚餐！我們兩人叫了一個二人套餐，人均消費250元以下！食物質素唔錯，即叫即做！座位還可對住廚師，用心做菜，食香味俱全！最難得這裡服務真心唔錯！香港食肆食評, 大多見到服務質素，負評居多！廚師儘管忙過不停，也可關注到人客其他需要，例如上了碟炒飯時，我們開始用餐，會問我們需要碗仔嗎？我開了罐汽水時，氣泡突然冒了出來，弄至枱面濕了，廚師怎麼忙，也會即時為我端了濕紙....等等！真的讓我們倍覺窩心！就是這樣，讓我在這裡第一次寫食評！多謝這裡每一位的職員，忙碌中也能提供這麼高的優質服務！親切友善！我最近也是多了北上消費的人。我也希望大家多些留港消費！讓香港能繁榮昌盛！

餐廳係Aeon超市旁邊並以吧枱設計，可以睇到廚師即叫即整野食👨‍🍳🍳我們兩個叫了兩sets午市套餐包括沙律🥗、味噌湯🍲同日本珍珠米飯🍚洋蔥炒牛舌: 薄片牛舌爽口無渣，洋蔥新鮮帶濃濃的香味，與牛舌完美配搭🧅🐮❤️照燒挪威新鮮三文魚扒: 三文魚唔夠鮮味但勝在烹調得恰到好處🍣👌另外加$20炒油麥菜🥬, 落多左鹽比較咸但好新鮮，平衡到其他肉食的濃味🧂🥩🌱整體而言，餐廳的環境設計讓我們能夠近距離觀察廚師的烹飪過程，增添了用餐的趣味性和期待感👀✨。午市套餐的價格合理，而且套餐內的沙律和味噌湯都味道不錯，增添了一份清新和溫暖的開胃感🥗🍲。洋蔥炒牛舌的牛舌片口感細緻，沒有雜質，而洋蔥的新鮮和香味增加了整道菜的層次感和風味🧅❤️。照燒挪威新鮮三文魚扒雖然口感不夠鮮美，但是烹調得宜，保持了三文魚扒的嫩滑和口感🍣👌。另外加點的炒油麥菜，雖然有點過鹹，但蔬菜的新鮮度給予了整體菜餚的平衡，尤其是在搭配其他肉食時，能夠中和濃郁的味道🧂🥩🌱。希望餐廳能夠進一步改進三文魚的新鮮度，以提供更令人滿意的用餐體驗。此外，菜式的調味需要更加細心，確保食物的鹹度恰到好處，以滿足各種口味的顧客需求。總的來說，我們在餐廳度過了一個愉快

親民版鐵板燒，晚市二、三百已經食得好飽，雖然唔係貴價食材，但都算豐富性價比非常高，所以好受歡迎，無得訂位但座無虛席，所以學我假日6點鐘到啦。⚜️2人套餐 $468⚜️================~前菜和式凍豆腐x2⭐️⭐️⭐️~味噌湯x2⭐️⭐️⭐️~燒生蠔x2⭐️⭐️⭐️~鹽燒鯖魚⭐️⭐️⭐️~板燒牛油日本帶子x2⭐️⭐️⭐️~炒野菜盛⭐️⭐️⭐️⭐️~紐西蘭牛柳⭐️⭐️⭐️⭐️~炭火汁日本雞腿肉⭐️⭐️⭐️~蔥花蟹籽牛肉炒飯⭐️⭐️⭐️⭐️其實兩個人會食唔晒一個二人餐，個餐整體普普通通，最好味係個紐西蘭牛柳同炒飯，不過啲嘢嚟得太快食唔切凍晒。⚜️散叫⚜️=========🥢龍蝦一份 $128 x 2份⭐️⭐️⭐️⭐️一份即係半隻，好抵食啖啖肉，仲好有龍蝦味，起肉切粒好細心。🥢伊比利亞黑毛豚肉扒 $128⭐️⭐️⭐️⭐️厚切豚肉扒都唔錯，肉質唔鞋幾juicy，份量都多，可以一試。🥢大蔥金菇牛肉卷 $78⭐️⭐️⭐️⭐️牛肉卷煎得好香唔鞋好入味，加咗大蔥口感好爽，不過略嫌醬汁咸咗少少汽水 $8烏龍茶 $12三人共消費：$903 (當日Aeon會員卡有95折）

屋企人話想食鐵板燒， 睇勻曬成個太古城原來都冇乜其他選擇，夜晚八點，都坐滿9成， 因為帶住小朋友唔食得太多嘢，所以冇點套餐，散叫唔算貴，和牛炒飯$98，小朋友大叫好食，帶子$68／2粒，麻麻地，可以唔叫，炒雜菜$68，又係炒得好好食，蒜蓉味好香，洋蔥炒牛舌$68，個汁好惹味，食到唔停得口，嘢食基本上都好好食，唯一係飲品冇乜選擇， 小朋友唔想飲汽水只可以飲清水，連果汁也沒有， 如果菜單上可以加多點飲品選擇就更好

到Aeon閒逛，先在超市旁的food court醫肚。我們只是翻一翻餐牌，已即時有一位正執拾碗筷的阿姐店員問我們幾多位，更是立刻帶我們入坐。甫坐下，那位阿姐大廚亦是立刻為我們詳細介紹，全程十分親切。二人餐$588，加$128一客龍蝦尾，還有兩罐汽水$16，折後全單$695.40。食物極之多，性價比超高！每道菜餚均是神速上枱，廚師在鐵板上炒完便即時奉客，效率奇高！沙律混著酸汁，味噌湯夠熱，開胃一流！壽喜燒和牛三角腩，爽彈有嚼勁，與蛋一起滑入口中，有驚喜！鹽燒鯖魚完全不腥，蝦和蠔都是大隻多肉，蒜和蔥都很香。門牛柳腍而多汁，佐飯一絕！金菇牛肉卷很紮實，肉感豐腴。龍蝦尾的肉很易咬，兼且龍蝦味非常出。炒野菜亦毫不遜色，熱辣辣很和味！鐵板炒飯多得像座山，入面也有很多牛肉，蟹籽更是卜卜脆的，小人努力之下連盡三碗！雖說是二人餐，其實三個人都夠食！

好耐無去過太古康城Aeron行超市, 今日趁放假去回憶下，行下行下覺得肚仔餓，見到鐡板燒，睇下lunch價錢牌，價錢好貼地，就決定試試！😋我同朋友最後點了2個Lunch set， 鹽燒伊比利亞黑豚豬筋條和炭火汁日本雞腿肉………午餐有跟白飯,沙律, 麵豉湯, 罐裝及支裝飲品💢鹽燒伊比利亞黑豚豬筋條 HK$105師傅手勢巨好，簡單食材做出美味菜式。黑豚豬筋條軟焾，豬肉味濃，加上洋蔥和秘製醬汁，好味！👍👍👍💢炭火汁日本雞腿肉 HK$88鷄腿肉又嫩又滑，加日秘製汁料，味道不錯！💢午餐包括炒菜，加入蒜蓉鐵板炒菜原來都有鑊氣！😁😁💢另外點了日本燒生蠔 HK$68/2隻日本蠔又肥又大隻，好新鮮，師傅掌握時間啱啱好，入口Juicy, 綿滑，再加入佐料非常好食，回味無窮，而且68元/2隻真係好抵食！😋😋另外值得一讚是店員和師傅的服務態度好好，師傅仲同我哋有講有笑！😊😊

陰晴不定的四月天，辛苦工作了一星期，到達康怡吉之島，決定用 【完丸鐵板燒】開啟舒暢的週末。先來一碗濃濃的麵豉湯和開胃小菜，醒神醒胃，食慾大開。首先端上的是紐西蘭牛柳配（山賊汁）日式黑椒汁，牛肉軟嫩，肉味香濃多汁而不腥。搭配超多的蒜蓉一起吃，更令肉香突出。看著廚師的舉手投足之間，可見功夫到家。緊接著是日本錦爽雞扒，皮脆肉嫩，配襯鮮豔爽脆的三色椒，令到我這位無雞不歡的朋友大快朵頤。我最喜歡的燒海鮮來了，有燒生蠔，照燒大海老，燒鯖魚。生蠔超大，甜美豐腴。海蝦肉質爽彈，細膩油潤。燒鯖魚連皮帶肉金黃金黃，焦香嫩滑，不可抗拒。最後一盤蒜蓉炒油麥菜，清新可人，飽餐了一頓大滿足。只要用心烹調，不需珍饈亦可作出細緻不凡。看著等候的人群，我們趕緊識趣的起身離去了。

上次過黎康怡行街食野，都已經留意到「萬丸鐵板燒」，決心下次過黎一定要試下。岩岩因為拎左消費券，過黎買下野，又點可以唔黎一試呢？估唔到我又真係揀岩左餐廳，呢度D食物都非常美味。話說我都好耐無食鐵板燒，其實我都好享受呢種菜式，因為將食材係鐵板上燒烤和翻炒，能夠均勻地傳熱，口感都會非常香脆，更能食出食物鮮美。而且鐵板燒的特點是現場烹製，可以係呢度見到師傅在鐵板上翻炒和烤制食材，將食材的風味完美地釋放，讓人垂涎欲滴，又非常具娛樂性。呢日我就叫咗美國安格斯西冷（$138）、伊比利亞黑毛豚肉扒（$128）、燒生蠔（$58）、燒大海老（$82）、燒鯖魚（$68）、日式肥牛炒麵（$98）同炒油麥菜（$28）。美國安格斯西冷（日式黑椒汁）牛肉品質高，肉質鮮嫩多汁，紋理清晰，口感豐富，令我的味蕾相當滿足。伊比利亞黑毛豚肉扒（日式照燒汁）來自西班牙的高級豬肉，肉質豐富多汁，帶有豐富的油脂和香氣，入口即化，口感極佳。燒生蠔生蠔新鮮，燒烤後的口感非常滑嫩，帶有輕微的焦香，濃郁的鮮味和微甜的味道，口感一流，十分美味。燒大海老肉質Q彈，帶有濃郁的甜味和海鮮香氣。外層的蝦殼脆卜卜，內裡的肉則更鮮美，令人回味。燒鯖魚 

係超市裡面既餐廳, 莫明就係有種好日式既感覺令我聯想起地下街既餐廳餐廳基本上坐位都係對住鐵板揀好食咩之後, 就係面前煮有OMAKASE既感覺MENU有A LA CARTE 同SET選擇種類都唔算少今日叫左2人套餐 $468套餐已經有海鮮, 冷盤, 2款主菜同1款澱粉質咁多野食都只係平均2百幾蚊個人就有專人係你面前煮性價比真係贏晒和式凍豆腐 & 味增湯夠凍, 青瓜同豆腐都係好清爽開胃食完前菜先黎一碟海鮮打頭陣燒生蠔  , 鹽燒鯖魚 , 鹽燒大海老生蠔 好大隻, 而且炒蒜非常非常香油麥菜炒完仲係好爽甜, 簡單又美味既滋味紐西蘭牛柳- 肉質細嫩,口感豐富,充滿住深邃既牛肉香氣鹽燒秋葵豚肉- 融合左秋葵的清新脆爽和豚肉片既肥美, 加上微微的鹽味日式炒麵 - 傳統日式炒麵既風味, 麵條口感彈牙, 搭配上豐富既蔬菜同肉類, 一口接一口不能停

放假好鐘意行商場行超市捉緊假期的尾巴 這天在戲院睇完早場在附近嘅超市行下 未諗到食咩之際在AEON超市旁有間鐵板燒睇餐牌發現lunch超抵食人均消費都係一百蚊好經濟仲有齊牛、豬、雞、魚任君選擇係平價版鐵板燒午市套餐包括沙律、味噌湯同日本珍珠米飯揀咗餐之後好快就送上餐廳以吧枱設計食客可以近距離見到廚師嘅手藝之後師傅‍就會開爐在我地面前即席烹調食物師傅在控制食材火喉及擺碟上都是令人賞心悅目//炒油麥菜 $20//我哋另外加$20蚊叫咗碟菜師傅加了蒜蓉炒香時間控制得合宜令入口口感鮮嫩//照燒挪威新鮮三文魚扒 $118//最令我驚喜的是師傅先切開三文魚皮將三文魚皮分開煎，然後插在三文魚作裝飾三文魚皮煎至金黃，入口脆脆有咬口三文魚扒熟度剛剛好，肉質嫩滑配上甜甜的照燒汁，送飯一流//日式壺漬燒汁牛仔骨$128//未食之先，望住師傅將牛仔骨及洋蔥再加上燒汁一齊炒聞到好香入口燒汁同牛仔骨味道十分夾牛仔骨肉質嫩滑完全唔難咬開以呢個價錢有呢個質素很不錯//可樂（$8）+ 烏龍茶（$12）//跟午餐可以加錢配飲品除了可樂 茶係支裝道地烏龍茶

我真係好鐘意食鐵板燒，但始終一餐都唔平，知道康怡AEON foodcourt內有平民鐵板燒，價錢親民，咁就試吓散叫啦！1. 燒生蠔🦪（2隻）$68生蠔大大隻，師傅煮得恰到好處，唔會過熟，再配上牛油蒜蓉同蔥花，好香口！2. 壽喜燒A4和牛三角腩 $188油脂平均，入口有融化感，仲可以拌生雞蛋食，蛋香加上和牛油脂，好香滑，必點！3. 鹽燒香蔥薄牛舌 $68薄身的牛舌帶有嚼勁，鹹度適中。4. 大蔥金菇牛肉卷 $78一口一件，夾在肥牛內的金菇菜爽脆！5. 日式壺漬燒汁安格斯牛仔骨 $128牛仔骨肉質軟稔，肉味濃之餘，再加上壺漬燒汁，很惹味！6. 龍蝦🦞尾 $169爽口彈牙，有鮮味！7. 鹽燒大海老（2隻）$82鹽燒味出色，海老燒得唔鞋身，平價之選！8. 板燒牛油日本帶子 （3粒）$92食得出帶子係日本貨，配上香濃牛油，又香又甜！9. 燒鯖魚 $68大條又抵食👍🏻價錢親民又抵食，一解我相思鐵板燒之苦！值得一讚，個師傅好好傾又好nice呢！

今晚約了許久不見的朋友吃飯，就約在這家鐵板燒，餐廳是開放式餐廳。設有二人餐，價錢頗優惠。⭐️和式凍豆腐（冷盤）清爽爽口，帶有豆腐的微甜味道，配上淡淡的醬油和青蔥，非常開胃。⭐️味噌湯（2客）味噌湯底帶有淡淡的鹹味，非常暖胃。⭐️紐西蘭肉眼扒肉質嫩滑，烤得恰到好處，肉味突出。⭐️伊比利亞黑毛豚條豬肉口感無渣爽脆，炒得恰到好處，非常美味。⭐️大蔥金菇牛肉卷牛肉卷牛肉薄薄一片，內裡包裹著鮮甜的大蔥和金菇，非常開胃。⭐️日式炒雜菇雜菇口感爽脆，帶有淡淡的香菇味，炒得恰到好處，非常美味。⭐️日式炒麵麵條彈牙有嚼勁，配上蔬菜和雞蛋的美味，帶有淡淡的醬油味道，非常開胃。⭐️Zero鐵板燒配汽水，爽。⭐️芬達

萬丸鐵板燒 (太古).係太古發現到呢個平民嘅鐵板燒，係supermarket入面但係都非常多人捧場！ .▪️晚市二人套餐$588▪️.包冷盤再加味僧湯，上碟一人兩件嘅A4牛，沾上蛋漿好比壽喜燒.再黎一條油麥菜，好好食🤣蒜茸炒夠香！.燒生蠔🦪一人一隻，唔算好大隻但都香，套餐唔知係咪仲包條秋刀魚，加埋佢個少少酸嘅汁好好食，魚皮微脆.封門柳師傅整得五成熟，有肉汁而且肉味濃郁另一個我地揀左炭火汁日本雞腿肉串都好嫩口，佢配埋椒類一齊炒，有啲似啲茶餐廳嘅鑊氣小炒！.最後有得揀炒飯/麵，飯我地就食得多，今日叫個麵，有鑊氣，有大量嘅菜同葱蒜！.📌 萬丸鐵板燒 (太古)太古康山道1-2號康怡廣場南座AEON地下16-01號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️