影片
更多
2012-03-06
994 瀏覽
到沙田的UCC, 永遠都是人頭踴踴, 我們5時半已開始等候, 等了半小時才入坐點了2個main dish, 加入30有一個set (自助沙律吧, 湯, 餐飲)自助沙律吧有車厘茄, 波羅, 生菜, 紅腰豆, 吞拿魚, 薯蓉, 粟米, 冷長通粉, 蜜桃, jelly, 好colourful, 我個沙律堆砌成一座山咁!! 蔬菜水果冰凍新鮮, 車厘茄, 波羅,蜜桃多汁鮮甜, jelly 係黑加輪子味, 味道出奇地濃!!湯: 忌廉粟米湯, 忌廉味唔夠濃, 味道有d似罐頭湯, 質素一般主菜渼堡牛肉蛋包飯: 渼堡牛肉夠鬆化, 肉汁香濃; 蛋煎到薄身, 好大塊, 但原來唔係包住d飯, 只係鋪係面; 牛肉汁香甜, 有牛肉粒係裡面, 撈飯食好正另外, 芝士焗三文魚長通粉, 一上枱香噴噴, 芝士味唔太濃, 反而仲好, 唔會搶過晒原有食材既味道, 亦唔會太heavy; 三文魚粒少左d, 不過味道濃郁; 長通粉夠彈牙2個主菜都好大碟, 食到好飽, 呢個餐廳近幾年黎冇乜點加價, 份量又夠, 所以好抵食服務員夠主動, 經常幫我地加水, 我地慢慢食, 傾下計, 食左成2個鍾, even出面好多人等緊位, 都唔會比人好
點了2個main dish, 加入30有一個set (自助沙律吧, 湯, 餐飲)
自助沙律吧有車厘茄, 波羅, 生菜, 紅腰豆, 吞拿魚, 薯蓉, 粟米, 冷長通粉, 蜜桃, jelly, 好colourful, 我個沙律堆砌成一座山咁!! 蔬菜水果冰凍新鮮, 車厘茄, 波羅,蜜桃多汁鮮甜, jelly 係黑加輪子味, 味道出奇地濃!!
湯: 忌廉粟米湯, 忌廉味唔夠濃, 味道有d似罐頭湯, 質素一般
主菜渼堡牛肉蛋包飯: 渼堡牛肉夠鬆化, 肉汁香濃; 蛋煎到薄身, 好大塊, 但原來唔係包住d飯, 只係鋪係面; 牛肉汁香甜, 有牛肉粒係裡面, 撈飯食好正
另外, 芝士焗三文魚長通粉, 一上枱香噴噴, 芝士味唔太濃, 反而仲好, 唔會搶過晒原有食材既味道, 亦唔會太heavy; 三文魚粒少左d, 不過味道濃郁; 長通粉夠彈牙
2個主菜都好大碟, 食到好飽, 呢個餐廳近幾年黎冇乜點加價, 份量又夠, 所以好抵食服務員夠主動, 經常幫我地加水, 我地慢慢食, 傾下計, 食左成2個鍾, even出面好多人等緊位, 都唔會比人好似黑起面想趕我地走咁
張貼
